एजेन्सी – अष्ट्रेलियासँगको दोस्रो टेस्टमा पाहुना टोली भारतले फराकिलो अन्तरले पराजित भएको छ । मंगलबार भारत १ सय ४० रनमा अल आउट हुदैँ १ सय ४६ रनको फराकिलो हारको स्वाद चाखेको छ ।

अष्ट्रेलियाको यो जितसँगै चार टेस्टको श्रृंखला १– १ को बराबरी भएको छ । पहिलो टेस्टमा भारत ३१ रनले विजयी भएको थियो । बल टेमपरिङ काण्डका कारण पुर्व कप्तान स्टिभ स्मिथ र उप कप्तान डेविड वार्नरको प्रतिबन्धको चार दशक यताकै खराव प्रर्दशन गरेको अष्ट्रेलियालाई यो जितले ठूलो राहत दिने छ ।

२ सय ८७ रनको विजयी लक्ष्य पक्ष्याएको भारते पाँचौ दिन मंगलबार १ सय १२ रन बनाउन ५ विकेट अवस्थाबाट खेल्न सुरु गरेको थियो । तर भारतले पाँचौ दिन थप २८ रन बनाउन ५ विकेट गुमाउदा फराकिलो अन्तरले पराजित हुन पुगेको हो ।

पाँचौ दिन हनुमा बिहारी २८ र ऋषव पन्त ३० रनमा आउट भएपछि भारतको फराकिलो हार निश्चित बनेको थियो । त्यस्तै पुछारका उमेश यादवले २ रन जोड्दा, मोहम्मद सामी,जसप्रित बुमराह र ईशान्त शर्माले खाता खोल्न समेत सकेनन् । अष्ट्रेलियाका लागि लायन नाथन र मिचेल स्टार्कले समान तीन विकेट लिदा जोश हेजलवुडले र प्याट कमिन्सको नाममा पनि समान दुई विकेट रह्यो ।

त्यस अघि भारतका ओपनर केएल राहुललाई मिचेल स्टार्कले बोल्ड गर्दै डक आउट पेभिलिएन फर्काए । त्यस्तै मुरली विजयलाई नाथन लायानले २० रनमा बोल्ड गर्दिए । कप्तान विराट कोहलीलाई लायनलेनै उस्मान खवजाको हातबाट १७ रनमा क्याच आउट गराएपछि भारत चौथो दिनै हारबाट बच्न सघंर्ष गरि रहेको थियो । दिनको अन्तिम तिर अजिंक्या रहाणे पनि ३० रनमा आउट भएपछि भारत थप दवामा पर्यो ।

त्यसअघि सोमबार विहान १ सय ३२ रन बनाउन ४ विकेट गुमाएको अवस्थाबाट खेल्न सुरु गरेको अष्ट्रेलियाले थप १ सय ११ रन बनाउन ६ विकेट गुमायो । अर्थात २ सय ४३ रनमा अल आउट भयो । पाँचौ विकेटका लागि लच्न अघि कप्तान टिम पेन र उस्मान खवाजाले ६० रनको साझेदारी गर्दै भारतीय बलरलाई दबाबका राखे । लन्चपछिको ७९ औं ओभरको पाँचौ बलमा पेन र छैटौ बलमा मोहम्मद सामीले आरोन फिन्चलाई आउट गरेपछि भारत खेलमा फर्किएको थियो ।

अष्ट्रेलियाका लागि उस्मान खवजाले २ सय १३ बलमा ५ चौका प्रहार गर्दै ७२ रनमा आउट भए । आरोन फिन्च २५, पेन ३७, मिचेल स्टार्क १४ र जोश हेजलवुडले १७ रनमा नट आउट रहे । आइतबार मार्कस हृयारिस २०, ट्रविस हेड १९, पिटर हृयान्डस्कोम्ब १३ र शन मार्श ५ रनमा आउट भएका थिए । भारतका लागि मोहम्मद सामीले आफ्नो टेस्ट करियरकै वेस्ट प्रर्दशन गरे । शामीले २४ ओभरमा ८ मेडन सहित ५६ रन खर्चेर ६ विकेट लिए । त्यस्तै जसप्रित बुमराहले ३ र ईशान्त शर्मा १ विकेट चट्काए ।

कप्तान विराट कोहलीको शतकमा पहिलो इनिङ्समा भारतले २ सय ८३ रन बनाउन सकेको थियो । कोहलीले २ सय ५७ बलमा १३ चौका र १ छक्का प्रहार गर्दै १ सय २३ रनमा आउट भए । अजिंक्या रहाणेले ५१, चेतेश्वर पुजारा २४,हनुमा बिहारी २० र विकेटकीपर ऋषव पन्नले ३६ रन जोडे । अष्ट्रेलियाका लाथि नाथल लायनले ५,मिचेल स्टार्क र जोश हेजलवुडले समान दुई विकेट लिए । त्यस्तै प्याट कमिन्सको नाममा १ विकेट रह्यो ।पर्थमा टस जितेर शुक्रबार पहिला ब्याटिङ थालेको अष्ट्रेलिया पहिलो इनिङ्समा ३ सय २६ रनमा समेटियो ।

अष्ट्रेलियालाई ओपनर आरोन फिन्च र मार्कस हृयारिसले १ सय १२ रनको शतकीय साझेदारी गर्दै राम्रो सुरुवात दिलाएका थिए । फिन्चले १ सय ५ बलमा ६ चौका प्रहार गर्दै ५० रन बनाए । हृयारिसले १ सय ४१ बलमा १० चौका प्रहार गर्दै ७० रनमा आउट भए । शन मार्शले ४५, ट्रविस हेड ५८, टिम पेन ३८ र प्याट कमिन्सले १९ रन जोड्न बाहेक अन्यले राम्रो प्रर्दशन गर्न सकेनन् । भारतका लागि ईशान्त शमाले ४, जसप्रित बुमराह, उमेश यादव र हनुमा विहारीले समान दुई विकेट लिए ।

भारत र अष्ट्रेलियाबीचको तेस्रो टेस्ट आगमी २६ डिसेम्बर देखी मेलबर्नमा सुरु हुने छ ।