काठमाडौं – भारतीय स्पिनर सन्नी पटेलले घातक बलिङ गर्दै ५ विकेट लिएपछि टिभीएस एभरेष्ट प्रिमियर लिग (ईपीएल) को १४ औं खेलमा भैरहवा ग्ल्याडीयटर्सले ललितपुर प्याट्रीयट्सलाई ९३ रनको सामान्य लक्ष्य दिएको छ ।

आइतबार टियू क्रिकेट मैदानमा टस हारेर पहिला ब्याटिङ थालेको भैरहवाले १९ ओभरमा सबै विकेट गुमाएर ९२ रन मात्र बनाउन सक्यो । भैरहवाले सुरुवात देखीनै खराब प्रर्दशन गरेको भैरहवाका ९ ब्याट्सम्यानले दोहोरो अंकमा रन छुन सकेनन् । दोस्रो ओभरको चौथो बललमा सन्नी पटेलले ओपनर मोहम्मद नविदलाई विकेटकीपर जय किशनकोल्सावालाको हातबाट क्याच गराउदैं २ रनमा पेभिलिएन फर्काए ।

चौथो ओभरको तेस्रो बलमा प्रदीप एरीलाई सन्नी पटेलले बोल्ड गर्दै २ रनमा आउट गरेपछि ५ रन बनाउन भैरहवाले दुबै ओपनर गुमाउनु पर्यो । त्यस्तै सातौ ओभरको दोस्रो बलमा योगेन्द्रसिंह कार्कीले भारतीय ब्याट्सम्यान रविइन्दर सिंहलाई २५ रनमा बोल्ड आउट गरेपछि भैरहवा संकटमा परेको थियो । सिंहले १५ बलमा ३ चौका र २ छक्का प्रहार गरे । त्यस्तै आठौं ओभरको पहिलो बलमा सन्नी पटेलले कप्तान शरद भेषवाकरलाई १ रनमा एलपी डब्लु आउट गर्दै पेभिलिएन फर्कापछि भैरहवामाथि ललितपुर पूर्णरुपमा हाबी देखिएको थियो ।

छैटौं विकेटका लागि रायन टेन डेस्काटे र रोहित कुमार पौडेलले ३४ रनको साझेदारी गर्दै भैरहवालाई सम्मानजनक स्थितीमा पुयाउने खोजेको थिए । तर १५.३ ओभमा योगेन्द्रले सन्दीप जोराको हातबाट डेस्काटेलाई ३७ रनमा आउट गरेपछि भैरहवा सस्तैमा समेटीएको हो । डेस्काटेले ३६ बलमा ३ चौका र १ छक्का प्रहार गरे । भैरहवाको विकेट पतन निरन्तर जारी रह्यो । रोहित कुमार पौडेल ७, कृष्ण कार्की ४, कुशल मल्ल ३ भुवन कार्की र अभिनाश बोहरा डक आउट भए ।

ललितपुरका लागि सन्नी पटेलले घातक बलिङ गरे । सन्नीले ४ ओभरमा मात्र १२ रन खर्चेर ५ विकेट लिए । त्यस्तै योगेन्द्रसिंह कार्की र राशिद खानले समान २ विकेट लिदा ललित नारायण राजवंशीले पनि एक विकेट आफ्नो नाममा लेखाए ।