6 years ago
December 15, 2018
काठमाडौं (हाम्रो खेलकुद) – भारतीय ब्याट्सम्यान रविइन्दर सिंहले उत्कृष्ट अर्ध शतक प्रहार गरेपछि तेस्रो संस्करणको टीभीएस एभरेष्ट प्रिमियर लिग (ईपीएल) को १२ औं खेलमा भैरहवा ग्ल्याडीयटर्सले काठमाडौं किंग्स इलाभेनलाई १ सय ५० रनको लक्ष्य दिएको छ ।
शनिबार टियू क्रिकेट मैदानमा टस हारेर पहिला ब्याटिङ थालेको भैरहवाले निर्धारित २० ओभरमा ४ विकेटको क्षतिमा १ सय ४९ रन बनाउन सक्यो । भैरहवाका लागि रविइन्दर सिंह र कप्तान शरद भेषवाकले उत्कृष्ट ब्याटिङ गरे । रविले ६१ बलमा ६ चौका र ४ छक्का प्रहार गर्दै ८६ रनमा नट आउट रहे । त्यस्तै कप्तान शरद भेषवाकरले ३१ बलमा ३ चौका र १ छक्का प्रहार गर्दै ३९ रनमा आउट भए ।
भैरहवाको सुरुवात भने राम्रो हुन सकेन । पहिलो ओभरको चौथो बलमा ओपनर प्रदीप ऐरीलाई जितेन्द्र मुखियाले प्रदीप साहुको हातबाट क्याच गराउदै खाता सम्म खोल्न दिएनन् । दोस्रो ओभरको पाँचौं बलमा केभिन ओ ब्राइनले सांसद शेखको हातबाट क्याच गराउदै अर्का ओपनर हरि शंकर शाहलाई ४ रनमा आउट गरेपछि भैरहवा सूरुवातमा नै दवाव परेको थियो । तेस्रो विकेटका लागि रायन टेन डेस्काटे र रविइन्दर सिंहले ३२ रनको साझेदारी गर्दै भैरहवाको दबाब केहि कम गरे ।
प्रदीप साहुले नवौं ओभरको चौथो बलमा डेस्काटेलाई १२ रनमा एलबीडब्लू आउट गर्दै साझेदारी तोडे र पुन दवावमा राखे । चौथो विकेटका लागि कप्तान शरद भेषवाकर र रविइन्दर सिंहले १ सय ९ रनको शतकीय साझेदारी गर्दै भैरहवालाई प्रतिस्पर्धात्मक योगफल सम्म पुयाए । पहिलो १० ओभरमा ३ विकेटको क्षतिमा ४६ रन मात्र बनाउन सकेको भैरहवाले यी दुई जोडीको उत्कृष्ट ब्याटिङमा पछिल्लो १० ओभरमा १ विकेटको क्षतिमा १ सय ३ रन बनाउन सक्यो । शरदलाई अन्तिम बलमा जितेन्द्र मुखियाले बोल्ड आउट गरे ।
काठमाडौंका लागि जितेन्द्र मुखिया २, केभिन ओ ब्राइन,र प्रदीप साहुले समान एक विकेट लिए । आजको खेलमा विजयी भए काठमाडौं एक खेल अगावै प्ले अफमा पुग्ने छ । भैरहवा यस अघिनै प्ले अफमा पुगि सकेको छ ।
January 15, 2025
सुबास हुमागाईं, काठमाडौं नेपाली राष्ट्रिय क्रिकेट टोलीले २ वर्षअघि मोन्टि देशाइलाई मुख्य प्रशिक्षकको रुपमा पाएको थियो । ओडीआई मान्यता नै गुम्ने खतरा बढेको अवस्थामा जोखिम लिएर नेपाल आएका मोन्टिले छोटो समयमा नै आफ्नो प्रभाव जमाएर नेपालको ओडीआई मान्यता मात्र जोगाएनन्, लिग-२ को पुछारनजिकबाट तेस्रो स्थानसम्म उकाले । मोन्टिको नियुक्ति भएको २ वर्ष बित्दा नेपालको ब्याटिङमा […]
January 15, 2025
काठमाडौं(हाम्रो खेलकुद) – जय ट्रफी मेन्स एलिट कप क्रिकेटको फाइनलमा त्रिभुवन आर्मी क्लबविरुद्ध नेपाल पुलिस क्लबले सामान्य अग्रता लिएको छ। वीरगंजमा जारी फाइनलमा पुलिसले दोस्रो दिन बुधवारको खेल सकिँदा दोस्रो इनिङमा ९५ रनको अग्रता लिएको छ । दोस्रो दिनको समाप्तिमा पुलिसले १ सय ३२ रन जोड्दा ९ विकेट गुमाएको छ । पुलिसका लागि कुशल भुर्तेलले […]
January 15, 2025
काठमाडौं(हाम्रो खेलकुद) – ओपनर ब्याटर कविता कुँवरको अर्धशतकमा सुदूरपश्चिम प्रदेशले धनगढीमा जारी महिला प्रधानमन्त्री कप राष्ट्रिय टि ट्वान्टी प्रतियोगितामा बुधवार लुम्बिनी प्रदेशलाई पराजित गरेको छ । दिनको दोस्रो खेलमा सुदूरपश्चिमले लुम्बिनीमाथि ७५ रनको जित हात पारेको छ । पहिलो खेलमा मंगलवार गण्डकी प्रदेशलाई पराजित गरेको सुदूरपश्चिमको यो लगातार दोस्रो जित हो । लुम्बिनी आफ्नो पहिलो […]