काठमाडौं (हाम्रो खेलकुद) – तेस्रो संस्करणको टिभीएस एभरेष्ट प्रिमियर लिग (ईपीएल) ११ औँ खेलमा पोखरा राइनोजले काठमाडौं किंग्स इलाभेनलाई १ सय रनको लक्ष्य दिएको छ ।

पल कोग्लिन, पोखरा राइनोज

टीयू अन्तर्राष्टिय क्रिकेट मैदानमा टस हारेर पहिला ब्याटिङ गरेको पोखराले निर्धारित २० ओभरमा ६ विकेट गुमाउँदै १ सय ६५ रन बनायो । पोखराका ओपनर रिचार्ड लेभी र कप्तान काइल कोट्जरले ३.४ ओभरमा ४३ रनको साझेदारी गर्दै पोखरालाई राम्रो सुरुवात दिलाए । रोहन मुस्तफाले लेभीलाई बोल्ड आउट ओपनिङ पाट्नरशिप तोडे । लेभीले २१ बलमा ४ चौका र ३ छक्का प्रहार गर्दै ३८ रन बनाए ।

विक्रम भुषालले अमर सिंह राउटेलाको हातबाट क्याच गराउँदै सुनिल धमलालाई ९ मा आउट गरे । विक्रम भुषालले नै १३ औं ओभरको पहिलो बलमा कोट्जरलाई सिद्धान्त लोहनीको हातमा क्याच थमाउँदै ३७ रनमा आउट गरेपछि काठमाडौं खेलमा फर्किन खोजेको थियो । कोट्जरले २५ बलमा ६ चौका प्रहार गरे ।

काठमाडौं किंग्स ११

त्यस्तै हार्ड हिटर बिनोद भण्डारीलाई सांसद शेखले १५.४ ओभरका बोल्ड आउट गर्दिएपछि काठमाडौं खेलमा फर्किएको थियो । भण्डारीले ११ बलमा २ छक्का प्रहार गर्दै १७ रन बनाए । पाँचौ विकेटका रुपमा राजेश पुलामी मगर ९ रनमा आउट भए । विशाल लक्ष्य तर्फ अघि बढेको पोखरालाई ब्राइनले १९ औं ओभरको चौथो बलमा राजेश र पाँचौ बलमा कोग्लिनलाई आउट गरेपछि ठूलो स्कार बनाउन चुकेको हो । कोग्लिनले ३८ बलमा समान एक चौका र छक्का प्रहार गर्दै ३७ रन बनाए । त्यस्तै बिपिन खत्री र बिक्रम शोब समान ३ रनमा नट आउट रहे ।

काठमाडौंका लागि बिक्रम भुषाल र केभिन ओ,ब्राइनले समान दुई विकेट लिदा सांसद शेख, रोहन मुस्तफाले पनि समान एक विकेट आफ्नो नाममा लेखाए । आजको खेलमा पोखरा पराजित भए समुह चरणबाटै घर फर्किने पहिलो टिम बन्ने छ । जित निकाल्न सके अघिल्लो चरणको आसा कायमै राख्ने छ । आजको खेलमा विजयी भए काठमाडौंको अघिल्लो चरण बलियो र सहज हुने छ ।