6 years ago
December 14, 2018
काठमाडौं (हाम्रो खेलकुद) – तेस्रो संकरणको टिभीएस एभरेष्ट पिमियर लिग (ईपीएल) मा आज दुई खेल हुँदैछ । पहिलो खेलमा विराटनगर वारीयर्सले चितवन टाइगर्सको सामना गर्ने छ । दोस्रो खेलमा पोखरा राइनोजले काठमाडौँ किंग्स इलाभेनसँग खेल्ने छ ।
चितवन टाइगर्स
आजको खेलमा चितवन र पोखरा पराजित भए काठमाडौं र विराटनर सोझैप्ले अफमा पुग्ने छन् । ललितपुर प्याट्रीयट्स एक र भैरहवा ग्ल्याडीयर्स दुई खेल अगावै प्ले अफमा पुगिसकेका छन् । आजको पहिलो खेलमा पारस खड्का कप्तान रहेको विराटनगरले चितवनसँग खेल्ने छ । खेल ९ बजेबाट सुरु हुने छ । उपाधिको प्रमुख दावेदार मानिएको विराटनगर जारी ईपीएलमा ३ खेलमा दुईमा जित र १ मा हार सहित ४ अंकका साथ तेस्रो स्थानमा रहेको छ । विराटनगरको प्ले अफ सम्भावना अन्य तीन टोली भन्दा उच्च रहेको छ ।
कप्तान पारस खड्का स्वयंले यसपटक ब्याटिङ चल्न नसकेको स्वीकारेका छन् । बाबर हायातको आगमनले टोलीको ब्याटिङमा केहि मजबुती पुग्ने अपेक्षा गर्न सकिन्छ । विराटनगरका दुबै जित संघर्षपूर्ण रहेका छन् । पहिलो खेलमा ललितपुरले दिएको १ सय ५ रनको लक्ष्य अन्तिम ओभरमा ७ विकेटको क्षतिमा पुरा गरेको थियो ।
त्यस्तै पोखराले दिएको ८५ रन भेट्टाउन नसक्दा खेल सुपर ओभरमा धकलिएको थियो । विराटनगर सुपर ओभरमा विजयी भयो । पछिल्लो खेलमा विराटनगर भैरहवासँग ४ विकेटले पराजित भएको थियो । आजको खेलमा विराटनगर विजयी भए प्ले अफमा पुग्ने छ । समुह चरणको अन्तिम खेल विराटनगरले सोमबार काठमाडौंसँग खेल्ने छ ।
चितवनले आज जित निकाल्न सके अंक गणितीय झिनो आसा जिवीतै राख्ने छ । पराजित भएमा चितवनको यात्रा समूहचरणमा नै सकिने प्रबल सम्भावना छ । पछिल्लो संस्करण सेलाएको टाइगर्स यस पटक पनि गर्जन सकेन । चितवन पहिलो खेलमा ललितपुसँग ११ रन,दोस्रो खेलमा काठमाडौंसँग ६ विकेट र भैरहवासँग १२ रनले पराजित भएको थियो । चितवनले अन्तिम खेल शनिबार पोखरासँग खेल्ने छ ।
त्यस्तै आजको दोस्रो खेलमा पोखराले काठमाडौंको सामना गर्ने छ । खेल १ बजेबाट सुरु हुने छ । आजको खेलमा पोखरा पराजित भए लगातार चार खेलमा हारका साथ समुह चरणबाटै घर फर्किने छ । अघिल्लो चरणको सम्भावना बलियो बनाउन काठमाडौंलाई आजको खेल जित्नै पर्ने दवाव रहेको छ । २ खेलमा समान एकमा जित हारका २ अंक जोड्दै काठमाडौं चौथो स्थानमा छ ।
पहिलो खेलमा चितवनलाई ६ विकेटले हराएको काठमाडौंले दोस्रो खेलमा ललितपुरसँग १० विकेटको फराकिलो हार खान पुगेको थियो । १० विकेटको फराकिालो हारले काठमाडौंलाई नेट नरेटमा ठूलो धक्का लागेको छ । रोहन मुस्ताफाको आगमनसँगै काठमाडौँ झनै बलियो देखिएको छ । आजको खेल सहित अन्य एक खेलमा जित निकाल्न सके काठमाडौं प्ले अफमा पुग्ने छ ।
काठमाडौं किंग्स एलेभेन
प्ले अफमा पुग्ने झिनो आसा बाँकी रहेको पोखराले आजको खेलमा फराकिलो जित निकाल्ल सके अघिल्लो चरणको आसा कायमै रहने छ । आजको खेल सहित शनिबार चितवनलाई फराकिलो अन्तरले हराउन सके र विराटनगरको नजिता आफु अनुकुल आउन सके अघिल्लो चरणको झिनो अंकगाणीतिय संभावना देखिन्छ । पोखरा पहिलो खेलमा भैरहवासँग ६ विकेट, विराटनगरसँग सुपर ओभरमा र ललितपुरसँग ८ विकेटले पराजित भएको थियो ।
March 12, 2025
काठमाडौं(हाम्रो खेलकुद) – विभागीय टोली नेपाल पुलिस क्लबले प्रधानमन्त्री कप (पिएम) राष्ट्रिय पुरुष एकदिवसीय क्रिकेट प्रतियोगितामा लगातार दोस्रो जित हासिल गरेको छ । पुलिसले बुधवार कोशी प्रदेशलाई १ सय ५४ रनको फराकिलो अन्तरले पराजित गरेको छ । २ सय ८९ रनको लक्ष्य पछ्याएको कोशी ३६.२ ओभरमा १ सय ३४ रनमा अल आउट भयो । कोशीका […]
March 12, 2025
काठमाडौं (हाम्रो खेलकुद)- वुमन्स डे अन्तराष्ट्रिय क्रिकेट सिरिजमा नेपाल नामिबियासँग २३ रनले पराजित भएको छ। फितलो ब्याटिङ नै नेपालको हारको प्रमुख कारण बन्यो। सिरिजमा नेपालको यो तेस्रो हार हो। जितको लागि १ सय २६ रनको लक्ष्य पछाएको नेपाल २० ओभरमा ५ विकेट गुमाउँदै १ सय २ रनमा समेटियो। नेपालको लागि साना प्रविणले ३१ रन बनाइन्। […]
March 12, 2025
काठमाडौं(हाम्रो खेलकुद) – विभागीय टोली त्रिभुवन आर्मी क्लबले प्रधानमन्त्री कप (पिएम) राष्ट्रिय पुरुष एकदिवसीय क्रिकेट प्रतियोगितामा लगातार दोस्रो जित हासिल गरेको छ । रुपन्देहीमा बुधवार भएको खेलमा आर्मीले सुदूरपश्चिम प्रदेशविरुद्ध ८ विकेटको जित नकालेको हो । सुदूरपश्चिमले दिएको १ सय १८ रनको लक्ष्य आर्मीले २३.५ ओभरमा २ विकेट गुमाउँदै पूरा गर्यो । आर्मीका लागि सन्तोष […]