काठमाडौं (हाम्रो खेलकुद) – भारतीय ओपनरद्वय गौरव तोमर र जयकिशन कोल्सावालाले शतकीय साझेदारी गरेपछि ललितपुर प्याट्रीयट्सले काठमाडौं किंग्स एलेभेनलाई १० विकेटले पराजित गरेको छ । काठमाडौंले प्रस्तुत गरेको १ सय १० रनको सामान्य लक्ष्य ललितपुरले ११ औं ओभरमा पूरा गर्यो । लगातार तेस्रो जितसँगै ललितपुर प्लेअफमा पुगेको छ ।

गौरव तोमर

ललितपुरले तोमरको आक्रमक उत्कृष्ट अर्धशतकीय ब्याटिङमा १०.३ ओभरमा विना विकेटको क्षतिमा १ सय १५ रन बनाउँदै प्ले अफमा पुगेको छ । ओपनर गौरभ तोमर र जयकिशन कोल्सावालाले १ सय १५ रनको अविजीत साझेदारी गर्दै ललितपुरलाई सहज र फराकिलो जित दिलाए । तोमरले छैटौँ ओभरमा चन्द्र पौडेलमा लगातार चार बलमा चौका र अन्तिम बलमा छक्का प्रहार गरेका थिए ।

चन्द्र पौडेलको ११ औँ ओभरको दोस्रो र तेस्रो बलमा लगातार छक्का हानेर खेल फिनिसिङ गरेका तोमरले कुल ३५ बल ९ चौका र ५ छक्का प्रहार गर्दै ८० रनमा नट आउट रहे । कोल्सावालाले २८ बलमा ४ चौका प्रहार गर्दै २७ रनमा नट आउट रहे । चन्द्र पौडेल महँगो सावित भए । २.३ ओभरमा ४१ रन खर्चे । काठमाडौँका कुनै पनि बलरले विकेट लिन सकेनन् ।

त्यसअघि टीयू क्रिकेट मैदानमा टस जितेर पहिला ब्याटिङ गरेको काठमाडौंले २० ओभरमा अल आउट हुदै १ सय ९ रन जोड्यो । काठमाडौंका लागि कप्तान केभिन ओ’ब्रयानले ४२ रन बनाउन बाहेक अन्य कुनै पनि ब्याट्समयानले राम्रो प्रर्दशन गर्न सकेनन् । केभिनले ३३ बलमा ३ चौका र २ छक्का प्रहार गरे । काठमाडौंका ३ ब्याट्सम्यान डक आउट भए । ओपनर सागर पुनलाई राशिद खानले पहिलो ओभरको पाँचौ बलमा ज्ञानेन्द्र मल्लको हातबाट क्याच गराउदैँ डक आउट पठाए ।

त्यस्तै दोस्रो ओभरको पहिलो बलमा सोनु तामङले नरेश बुढाएरलाई पनि रन आउट भए । बुढाएरले खाता सम्म खोल्न पाएनन् । चौथो ओभरको दोस्रो सन्नी पटेलले अमित श्रेष्ठलाई एलपि डब्लु आउट गर्दै ६ रनमा पेभिलिएन फकाएपछि ललितपुर १३ रन जोड्न ३ विकेट गुमाएको थियो । केभीन ओ ब्राएन काठमाडौंको निरन्तर विकेट पतन जारी रह्यो । राजु रिजाल ८ र आनन्द ९ रनमा आउट भए ।

त्यस्तै केभिन ११.४ ओभरमा केभिनलाई पवन सरार्फले गौरभ तोमरको हातबाट क्याच आउट गरेपछि काठमाडौं ब्याटिङ धरासय बनेको थियो । त्यस्तै प्रदीप साहुले पनि खात सम्म खोल्न सकेनन् । आठौँ विकेटको रुपमा सिद्धान्त लोहली र सांसद शेखले १९ रनको साझेदारी गर्दै काठमाडौँलाई सम्मानजनक अवस्थामा पुर्याउने संकेत देखाएका थिए ।

तर राशिदले शेखलाई १० रनमा आउट गर्दै पाट्नरशिप तोडे । सिद्धान्त लोहनीले १९ ओभरको पहिलो बलमा योगेन्द्रलाई चौका,दोस्रोमा छक्का प्रहार गर्दा पाचौँ बलमा भने राशिद खानलाई क्याच दिदैँ पेभिलिएन फर्किएपछि काठमाडौँ सस्तैमा समेटिएको हो । सिद्धान्तले २५ बलमा समान एक चौका र एक छक्का प्रहार गर्दै २१ रन बनाए ।

केभीन ओ ब्राएन

जितेन्द्र मुखिया ४ र चन्द्र पौडेलले २ रनमा नट आउट रहे । चन्द्रले आज डेब्यू गरेका हुन् । ललितपुरका पवन सरार्फले घातक बलिङ गरे । उनले ४ ओभरमा २२ रन खर्चेर ३ विकेट लिए । राशिद खानले ४ ओभरमा १७ रन खर्चदै २ विकेट लिए । योगेन्द्र सिंह कार्की २ र सन्नी पटेलले पनि एक विकेट लिए ।

ललितपुर ४ खेलमा ३ मा जित र १ मा हारका साथ शिर्ष स्थानमा छ । त्यस्तै लगातार ३ खेलमा जित निकाल्दै भैरहवा ग्याडीयटर्सले पनि दुई खेल अगावै प्ले अफमा पुगि सकेको छ । ३ खेलमा २ मा जित र १ मा हारका साथ तेस्रो स्थानमा रहेको विराटनगर वारियर्सले बाँकी दुई मध्य एक खेलमा जित निकाल्न सके प्ले अफमा पुग्ने छ ।

त्यस्तै २ खेलमा १ मा जित र १ मा ब्योहोरेको काठमाडौँले बाँकी तीन खेलमा दुई जित निकाल्न सके चितवन टाइगर्स र पोखरा राइनोजको अघिल्लो यात्रा सकिने छ । पोखरा र चितवनले लगातार तीन खेलमा पराजित भएका छन् भने बाँकी दुई खेल खेल्ने छन् ।