काठमाडौं (हाम्रो खेलकुद) – तेस्रो संस्करणको टिभीएस एभरेष्ट प्रिमियर लिग (ईपीएल) मा आज काठमाडौँ किंग्स इलाभेनसँग खल्नु अघि ललितपुर पेट्रियट्सलाई झट्का लागेको छ । ललितपुर पेट्रियट्सका भारतीय खेलाडी गौरभ तोमरले अवका बाँकी खेलमा बलिङ्ग गर्न नपाउने भएका छन् ।

उनको बलिङ्ग शंकास्पद लागेर दुई अन–फिल्ड अम्पायरले रिपोर्ट गरेका थिए । प्रतियोगिताको प्राविधिक कमिटीले भिडियो एनलाइसिस गरेपछि उनको बलिङ्ग शैलि अबैधानिक रहेको पाईएपछी आयोजकले प्रतिवन्ध लगाएको हो । तोमरले जारी ईपीएलमा ३ खेलमा चार विकेट लिएका छन् । उनले बिराटनगर वारियर्सबिरुद्धको पहिलो खेलमा चार ओभरमा २६ रन खर्चदै तीन विकेट लिएका थिए । तर ललितपुर ३ विकेटले पराजित हुन पुगेको थियो ।

चितवन टाइगर्सबिरुद्धको दोश्रो खेलमा तोमरले चार ओभरमै २४ रन खर्चिदा एक विकेट लिए । पोखरा राइनोजबिरुद्धको खेलमा भने तोमर विकेट बिहिन थिए । लेग स्पिनर सन्दीप लामिछाने विग ब्यास र बंगलादेश प्रिमियर लिग खेल्नको लागि अष्ट्रेलिया गएको कारण ललितपुरलाई बलिङ्गमा केहि कमजोर देखिएको छ । यसै क्रममा तोमरले पनि बलिङ्ग गर्न नपाउने भएपछि ललितपुर केहि संकटमा पर्ने छ ।

त्यस्तै पोखराका विकेटकीपर सुबेन्दु पाण्डेपनि कारबाहीमा परेका छन् । उनले मंगलबार विराटनगर वारियर्सबीचको खेलमा एम्पारसँग अनावश्यक आउटको अपिल गरेको भन्दै कारबाहीमा परेका हुन् । उनले काहरबाही स्वरुपमा उक्त खलको १० % प्रतिशत रकम काटिने छ । आइसीसीको नियम विपरित अपिल गरेको आयोजकले जनाएको छ।