एजेन्सी – अष्ट्रेलियाविरुद्धको पहिलो टेस्टमा भारतले ऐतिहासिक जित निकालेको छ । सोमबार अष्ट्रेलियालाई २ सय ९१ रनमा अल आउट गर्दै ३१ रनले विजयी भएको छ ।यो जितसँगै सन् २००८ देखी अष्ट्रेलिया भूमिमा भारतको जितको खडेरीपनि टोडिएको छ ।

सन् २००८ यता अष्ट्रेलिया भूमिमा टेस्ट जित्ने विराट कोहली पहिलो कप्तान पनि बने । भारतको जितमा मोहम्मद शामी ,जसप्रित बुमराह र रविचन्द्र आश्विनले समान ३ विकेट लिए । त्यस्तै इशान्त शर्माको नाममा १ विकेट रह्यो ।

पाँचौ दिन अष्ट्रेलियाले १ सय ४ रन जोड्दै ४ विकेट गुमाएको अवस्थाबाट खेल्न सुरु गरेको थियो । अष्ट्रेलियाका लागि शन मार्शले १ सय ६६ बलमा ५ चौका प्रहार गर्दै ६० रन बनाए । मार्शलाई ७२.१ ओभरमा बुमराहले विकेट किपर ऋषभ पन्तको हातबाट क्याच आउट गरेपछि अष्ट्रेलियाको जित कठिन बनेको थियो ।

त्यस्तै कप्तान टिम पेन ४१, प्याट कमिन्स र मिचेल स्टार्कले समान २८ रन जोडे । नाथन लायन ४७ बलमा ३ चौका प्रहर गर्दै ३८ रनमा नट आउट रहे । त्यस्तै जोश हेजलवुडलेले १३ रन बनाए । ट्रभिस हेड १४,आरोन फिन्च ११, पिटर हृयान्डस्कोम्बले १४, उस्मान खवजा ८ र मार्कुस हृयारिसले २६ रनमा आउट भए ।

भारतका लागि दोस्रो इनिङ्समा भारतका चेतेश्वर पुजराले ७१, अजिंक्य रहाणे ७०, केएल राहुल ४४, मुरली विजय १८ र कप्तान विराट कोहलीले ३४ रन बनाए पछि ३ सय ७ रन बनाएको थियो । अष्ट्रेलियाका लागि नाथन लोयनले उत्कृष्ट बलिङ गरे । उनले ४२ ओभरमा ७ मेडन सहित १ सय २२ रन खर्चिदा ६ विकेट हात पारे ।

त्यस्तै मिचेल स्टार्क ३ र जोश हेजलवुडले १ विकेट लिए । त्यस्तै पहिलो इनिङसमा चेतेश्वर पुजाराले उत्कृष्ट शतक प्रहार गरेपछि २ सय ५० रनमा अल आउट भएको थियो ।पुजाराले २ सय ४६ बलमा ७ चौका र २ छक्का प्रहार गर्दै १ सय २३ रन बनाएका थिए । अष्ट्रेलियाले पहिलो इनिङसमा २ सय ३५ रन मात्र जोड्न सकेको थियो ।