एजेन्सी – अष्ट्रेलियाविरुद्धको पहिलो टेस्टमा आइतबार चौथो दिनको खेल सकिदा भारतले आफ्नो दबदबा कायमै राखेको छ । चौथो दिन ३ सय २३ रनको विजयी लक्ष्य पक्ष्याएको अष्ट्रेलियाले १ सय ४ रन जोड्दै ४ विकेट गुमाएको छ ।

भारतलाई हराउन अझैँ पाँचौ दिन अष्ट्रेलियाले २ सय १९ रन बनाउनु पर्ने हुन्छ । अष्ट्रेलियाका लागि शन मार्श ३१ र ट्रभिस हेड ११ रनमा नट आउट रहेका छन् । आरोन फिन्च ११, पिटर हृयान्डस्कोम्बले १४, उस्मान खवजा ८ र मार्कुस हृयारिसले २६ रनमा आउट भए । भारतका लागि रविचन्द्र आश्विन र मोहम्मद शामीले समान दुई विकेट लिएका छन् ।

चौथो दिन १ सय ५१ रन जोड्न ३ विकेट गुमाएको अवस्थाबाट इनिङस बढाएको भारतले थप १ सय ५६ रन बनाउन ७ विकेट विकेट गुमाउँदै ३ सय ७ रनमा अल आउट भयो । चौथो दिन आइतबार भारतका अजिंक्य रहाणे ७० र चेतेश्वर पुजाराले ७१ रन बनाए । पुजाराले २ सय ४ बलमा ९ चौका प्रहार गरे । त्यस्तै हराणेले १ सय ४७ बलमा ७ चौका प्रहार गर्दा ऋषभ पन्तले २८ रन बनाए ।

भारतका पुछारका ३ ब्याट्सम्यान डक आउट भए। त्यस अघि केएल राहुल ४४, मुरली विजय १८ र कप्तान विराट कोहलीले ३४ रन बनाएका थिए । अष्ट्रेलियाका लागि नाथन लोयनले उत्कृष्ट बलिङ गरे । उनले ४२ ओभरमा ७ मेडन सहित १ सय २२ रन खर्चिदा ६ विकेट हात पारे । त्यस्तै मिचेल स्टार्क ३ र जोश हेजलवुडले १ विकेट लिए ।

भारतले पहिलो इनिङसमा भारतले २ सय ५० रन बनाउदा अष्ट्रेलियाले २ सय ३५ रन मात्र बनाउन सक्दा १५ रनले पछि परेको थियो । दोस्रो इनिङसमा भारत ३ सय ७ रनमा समेटीय पछि सम्रगमा अष्ट्रेलिया ३ सय २३ रनको लक्ष्य पाएको हो ।