6 years ago
December 6, 2018
काठमाडौं (हाम्रो खेलकुद) – शनिबारबाट सुरु हुने तेस्रो संकरणको टिभीएस एभरेष्ट प्रिमियर लिग (ईपीएल) को ट्रफी सार्वजनिक गरिएको छ । काठमाडौंमा आज एक कार्यक्रमकाबीच ट्रफी सार्वजनिक गरिएको हो ।
ट्रफी सार्वजनिकमा ६ फ्रेन्चाइज टोलीका ६ कप्तान सहभागी थिए । ईपीएलमा काठमाडौं किंग्स इलेभेन, ललितपुर प्याट्रीयट्स, विराटनगर वारीयर्स, भैरहवा ग्लाडीयटर्स, चितवन टाइगर्स र पोखरा राइनोज गरि ६ टिम रहेका छन् । राउण्ड रोविनका आधरमा हुने खेलमा शीर्ष चार टोलीले प्लेअफमा स्थान बनाउने छन् । यस पटक पोखरा राइनोजको कप्तानी स्कटल्यान्डका काइल कोट्जरले गर्ने भएका छन् । काठमाडौंको कप्तानी सोमपाल कामी र चितवनको पृथु बास्कोटाले गर्ने छन् ।
गत वर्ष पोखराको कप्तानमा शक्ति गौचन, चितवनमा दिपेन्द्रसिंह ऐरी र काठमाडौंमा श्रीलंकाका फरवेज महारूफ रहेका थिए । ईपीएलको विजेताले पाउने पुरस्कार रकम भने घोषणा गरिएको छैन । ईपीएलका प्रबन्ध निर्देशक आमिर अख्तरले पुरस्कार राशी केहि दिनमै घोषणा गर्ने जानकारी दिए ।
ट्रफी सार्वजनिक कार्यक्रममा विराटनगरका कप्तान पारस खड्काले टिम सन्तुलन रहेकोले राम्रो खेल्दै पुन: उपाधि जित्ने लक्ष्य राखेको बताए । गत संस्करणमा विराटनगरले भैरवाहलाई १ रनले हराउँदै उपाधि जितेको थियो । पारसले सम्पूर्ण फ्यान,स्पोन्सर,मिडियालाई धन्यावाद समेत दिए ।
ललितपुरका कप्तान ज्ञानेन्द्र मल्लले टिममा ठूला नाम भन्दा पनि खेलमा खेलाडीले राम्रो खेल्नु पर्ने बताए । आफ्नो टोलीमा ठूला नामका खेलाडी नभएपनि राम्रो प्रर्दशन गर्ने दाबी गरे । त्यस्तै काठमाडौँका कप्तान सोमपाल कामीले गत वर्ष कस्तो खेलियो भन्दा पनि यो वर्ष राम्रो प्रर्दशन गर्ने बताए । सोमपालले आयरल्यान्डका केभिन ओ’ब्रायनको आगमनले टिम झनै राम्रो भएको र टोलीमा आत्माविश्वास पनि बढेको बताए ।
चितवनका कप्तान पृथु बास्कोटाले युवा खेलाडी राम्रो लयमा रहेको कारण प्रतियागितामा राम्रो प्रर्दशन गर्ने बताए । भैरवाहका कप्तान शरद भेषवाकरले टिमको सन्तुलन राम्रो रहेकाले यसपटक पनि लक्ष्य ट्रफी जित्नेनै रहेको बताए । पोखराका कप्तान कोट्जरले ईपीएल खेल्न निकै आतुर रहेको बताए । उनले नेपाली क्रिकेट समर्थक विश्वभरमै प्रख्यात रहेकाले यहाँको अनुभव बेग्लै हुने बताए ।
ईपीएलमा शनिबार ललितपुर र विराटनगरबीच खेल हुने छ । खेल दिउँसो १ बजे किर्तिपुरस्थित त्रिभुवन विश्वविद्यालयको क्रिकेट मैदानमा हुनेछ ।
September 23, 2024
काठमाडौं (हाम्रो खेलकुद)– नेपालले क्यानडामा जारी आइसिसी विश्व कप लिग टुको तेस्रो खेलमा पनि हार बेहोरेको छ । सोमवार विहान सम्पन्न खेलमा घरेलु टोली क्यानडासँग नेपाल ५ विकेटले पराजित भएको छ । १ सय ८२ रनको लक्ष्य पछ्याएको क्यानडाले ४२ ओभरमा ५ विकेट गुमाएर १ सय ८६ रन बनाउँदै लक्ष्य पूरा गरेको थियो । नाभिनित […]
September 23, 2024
काठमाडौं(हाम्रो खेलकुद) – नेपालले आइसिसी विश्वकप लिग टुको खेलमा क्यानडालाई १ सय ८२ रनको मध्यम लक्ष्य दिएको छ । क्यानडाको किंग सिटीमा आइतवार टस जितेर पहिले ब्याटिङ गरेको नेपालले ४६.१ ओभरमा अल आउट हुँदै १ सय ८१ रन मात्र बनायो । नेपालका लागि सन्दीप लामिछानेले ४८ बलमा सर्वाधिक ४९ रन जोडे । उनले ५ चौका […]
September 22, 2024
काठमाडौं(हाम्रो खेलकुद) – नेपालले आइसिसी विश्वकप लिग टुको क्यानडाविरुद्धको खेलमा सातौं विकेट गुमाएको छ । सातौ विकेटका रुपमा गुलशन झालाई गुमाएको नेपाल संकटमा परेको छ । गुलशन हर्ष ठाकरको बलमा ३४ रन बनाउँदै २७ ओभरको पहिलो बलमा आउट भए । टस जितेर ब्याटिङ गरिरहेको नेपालले २८ ओभरको समाप्तीमा ७ विकेट गुमाएर ८८ रन बनाएको छ […]
