यूएई (एजेन्सी) – यूएईमा जारी टी–१० लिगमा नेपाली लेग स्पिनर सन्दीप लामिछाने बंगाल टाइगर्सबीरुद्ध पनि खराब प्रर्दशन गरेका छन् ।

शारजाह क्रिकेट मैदानमा टस जितर पहिला फिल्डिङ गर्ने निर्णय लिएको किंगसले सन्दीपलाई दोस्रो ओभरमा बलिङ गर्न ल्याएको थियो । उक्त ओभरमा सन्दीपलाई सुनिल नारायणले दोस्रो र तेस्रो बलमा लगातार छक्का प्रहार गरे । त्यस्तै अन्तिम बलमा पनि नारायणले छक्का प्रहार गरेपछि पहिलो ओभरमै सन्दीपले २० रन खर्चिए । अन्य तीन बल डट गराउँदा दुई वाइड फाले । पहिलो ओभरमै महँगो सावित भएपछि कप्तान इयोन मोर्गनले सन्दीपलाई दोस्रो ओभर बलिङ गर्न दिएनन् । योसँगै सन्दीप पछिल्ला तीन खेलमा विकेट विहिन पनि बनेका छन् ।

टाइगर्सले किंगसलाई १ सय २४ रनको लक्ष्य दिएको छ । टस हारेर पहिला ब्याटिङ गरेको टाइगर्सले ओपनर सुनिल नारायणको विश्फोटक ब्याटिङको मद्धतमा १० ओभरमा ५ विकेटको क्षतिमा १ सय २३ रन बनायो । सुनिलले २५ बलमा समान ४ छक्का र चौका प्रहार गर्दै ५२ रनमा आउट भए । त्यस्तै रदरफोर्डले १७ बलमा ४ चौका र ३ छक्का प्रहार ३९ मा आउट भए । अन्य ब्याट्सम्यानले राम्रो प्रर्दशन गर्न सकेनन् ।

किंगसका लागि बेनी होवेल र वेन पार्नेलले उत्कृष्ट बलिङ गरे । उनले २ ओभरमा २३ रन खर्चेर २ विकेट हात पारे । त्यस्तै वेनले २ ओभरमा ३१ रन खर्चेर २ विकेट हात पारे ।