दुवई (एजेन्सी) – पाकिस्तानका लेग स्पिनर याशिर शाहले कीर्तिमानी घातक बलिङ गर्दै १४ विकेट लिएपछि पाकिस्तानसँगको दोस्रो टेस्ट खेलमा न्युजिल्यान्ड १६ रनको इनिङ्स अन्तरले पराजित भएको छ । पाकिस्तानको जितसँगै तीन टेस्ट श्रृंखला १–१ को बराबरीमा पुगेको छ ।

चौथो दिन मंगलबार न्युजिल्यान्ड ११२.५ ओभरमा आउट हुँदै ३ सय १२ रनमा समेटियो । पहिलो इनिङ्समा न्युजिल्यान्ड ९० रनमै अल आउट भएपछि पुन ब्याटिङ गर्नुपरेको थियो । पहिलो इनिङ्समा न्युजिल्यान्डका ६ ब्याटम्यानले खाता सम्म खोल्न सकेका थिएनन् ।

दोस्रो इनिङ्समा न्युजिल्यान्डका रोस टेलरले १ सय २८ बलको सामना गर्दै ७ चौका र १ छक्का प्रहार गरि ८२ रन बनाए । हेनरी निकोल्स ७७,टम लेथमले ५० र कप्तान केन विलियम्सनले ३० रन बनाउन बाहेक अन्य कुनै पनि ब्याटम्यानले राम्रो प्रर्दशन गर्न सकेनन् । कीर्तिमानी बलिङ गरेका शाहले पहिलो इनिङ्समा १२.३ ओभरमा ४१ रन खर्चेर ८ विकेट हातपार्दा दोस्रो इनिङ्समा ४४.५ ओभरमा १ सय ४३ रन खर्चेर ६ विकेट लिए । सम्रगमा उनले नाममा १४ विकेट रह्यो ।

शाह न्युजिल्यान्डविरुद्ध एकै टेस्ट खेलमा १४ विकेट लिने पाकिस्तानका पहिलो बलर हुन् । पाकिस्तानबाट एकै टेस्ट खेलमा १४ विकेट लिने दोस्रो बलर पनि बने। त्यस्तै सोमबार शाहले १० विकेट लिँदै एकै दिन पाकिस्तानबाट सर्वाधिक विकेट लिने बलरको कीर्तिमान पनि आफ्नो नाममा लेखाए ।

त्यसअघि बाबर अजाम र हरिस सोहलेको उत्कृष्ट शतकमा पाकिस्तानले ५ विकेटको क्षतिमा ४ सय १८ रन गुमाएको अवस्थामा पहिलो इनिङ्स समाप्तीको घोषणा गरेको थियो । बाबरले २ सय ६३ बलमा १२ चौका र २ छक्का प्रहार गर्दै १ सय २७ रनमा नट आउट रहे । त्यस्तै हरिस ४ सय २१ बलमा १३ चौका प्रहार गर्दै १ सय ४७ रन बनाए ।

अजहर अलीले ८१ रन जोडेपछि पाकिस्तान बलियो अवस्थामा पुगेको थियो । न्यजिल्यान्डका कोलिन डी ग्राण्डहोमले २, ट्रेन्ट बोल्ट र अजाज पटेलले समान एक-एक विकेट हात पारेका थिए । पहिलो टेस्ट खेलमा पाकिस्तान ४ रनले पराजित भएको थियो । तेस्रो तेस्ट आगमी डिसेम्बर ३ देखी आवु धाबीमा सुरु हुने छ ।