यूएई (एजेन्सी) – यूएईमा जारी टी–१० लिगमा सन्दीप लामिछाने रहेको टिम केरला किंग्सले आफ्नो चौथो खेलमा आज पञ्जावी लिजेन्ड्ससँग खेल्दै छ । खेल नेपाली समय अनुसार राती १० : ३० शारजाह क्रिकेट मैदान सुरु हुने छ ।

समूह ‘ए ‘मा रहेको केरलाले ३ खेलमा १ मा जित, एकमा हारका साथ ३ अंक जोड्दै तेस्रो स्थानमा रहेको छ । तेस्रो खेलमा राजपुत्सँग वर्षाको कारण रद्द भएको थियो । पहिलो खेलमा पख्तुन्सलाई ८ विकेटले पराजित गर्दा दोस्रो खेलमा सिन्धिससँग ९ विकेटको पराजित भएको थियो ।

त्यस्तै ग्रुप ‘बी’ मा रहेको पञ्जावी लिजेन्ड्सले ३ खेलमा २ मा हार र १ का जितका साथ अंक तालिकाको पुछारमा रहेको छ । पञ्जावी लिजेन्ड्समा न्युजिल्यान्डका ल्यूक रोन्चीले कप्तानी समाल्ने छन् । त्यस्तै इभिन लुइस,मोहम्मद शामी,उमर अकमाल, जाहिर खान, लियम प्लंकेट, क्रिस जोर्डन, मिचेल मकक्लेनाघन जस्ता खेलाडी रहेका छन् ।

सन्दीपको उत्कृष्ट प्रर्दशन

जारी टी–१० लिगमा सन्दीपले उत्कृष्ट प्रर्दशन गरि रहेका छन् । पहिलो खेलमा पख्तुन्सविरुद्ध २ ओभरमा ३ विकेट लिदैँ ‘म्यान अफ द म्याच’ चुनिएका सन्दीपले दोस्रो खेलमा सिन्धिसविरुद्ध २ ओभरमा १४ रन खर्चेर १ विकेट हात पारे । त्यस्तै तेस्रो खेलमा राजपुत्सबीरुद्ध २ ओभरमा २३ रन खर्चेर २ विकेट हात पारे ।

सन्दीप सर्वाधिक विकेट लिने बलरमा दोस्रो स्थानमा रहेका छन् । पहिलो स्थानमा सन्धिसका प्रवीन ताम्बेले २ खेलमा ६ विकेट लिँदै शीर्षस्थानमा रहेका छन् । सन्दीपको पनि ३ खेलमा ६ विकेट रहेको छ ।