काठमाडौं (हाम्रो खेलकुद) – मनमोहन (एमएम) कप एक दिवसिय क्रिकेट प्रतियोगिता अर्को महिना आयोजना हुने भएको छ । शान्ति दिप नेपालको आयोजनामा पुस २१ गते देखि माघ ७ गतेसम्म हुने प्रतियोगितामा १२ टोलीको सहभागिता रहने बताइएको छ ।

७ प्रदेश, ३ विभागिय, १ स्थानिय र एक पहुना टोलीको सहभागिता प्रतियोगिताका संयोजक विप्लप घोषले बताए । प्रतियोगिताको विजेताले ४ लाख १ हजार , दोस्रो हुने टोलीले २ लाख १ हजार रुपैयाँ प्राप्त गर्नेछ । सेमिफाइनल पुग्ने टोलीले २५ हजार रुपैयाँ पाउनेछन् ।

प्रतियोगिताको उत्कृष्ट खेलाडी ५१ हजार, उत्कृष्ट बलर र ब्याट्सम्यानले समान २० हजार एक सय पाउनेछन् । उत्कृष्ट अनुशासित टिमले १५ हजार र उदयमान खेलाडीले १० हजार रुपैयाँ पप्त गर्नेछ । इनरुवा रंगशालामा हुने प्रतियोगितामा झन्डै ७५ लाख रुपैयाँ खर्च हुने अनुमान गरिएको छ ।

चाँडै नै दुई दिवसिय खेल आयोजना गर्नेछौं – विष्ट
राष्ट्रिय खेलकुद परिषदका सदस्य सचिव केशव कुमार विष्टले नेपाली क्रिकेट टिमको ब्याटिङ सुधारका लागि चाँडै दुई दिवसिय क्रिकेट आयोजना गर्ने बताएका छन् । दुई दिवसिय क्रिकेटको मिति भने तय भइनसकेको बताएका छन् ।