काठमाडौँ – मंसिर २२ देखी सुरु हुने तेस्रो संकरणको एभरेष्ट प्रिमियर लिग (ईपीएल) को लागि गत वर्षको उप विजेता टोली भैरहवा ग्लाडियटर्सले आफ्ना तीन विदेशी खेलाडीको नाम सार्वजनिक गरेको छ ।

भैरहवाले प्रेस विज्ञप्ति मार्फत नेदरल्यान्डका ब्याटिङ अलराउण्डर रायन टेन डोस्काटे,यूईका तिब्र गतिका बलर मोहम्मद नाविद र भारतीय ब्याट्सम्यान रविइन्द्रर सिंहलाई टोलीमा भित्र्याएको छ । रायन नेदरल्यान्डका भरपर्दा तथा अनुभवी ब्याटिङ अलराउण्डर हुन् उनले ३३ वान डे,१० टी–२० अन्तर्राष्ट्रिय,१ सय ७४ प्रथम श्रेणी र २ सय १९ लिष्ट ‘ए’ खेल खेलेका छन् । त्यस्तै आईपीएलमा कोलकता नाइटराइड्सबाट पनि खेलि सकेका छन् । ३३ वान डेमा ५ शतक, ९ अर्धशतक प्रहार गर्दै कुल १५ सय ४१ रन बनाएका छन् ।

रायनले टी–२० क्रिकेटमा ४२.०० को औसतमा रन बनाएका उनले कुल २ सय ५२ रन जोडेका छन् । जस्मा उनको स्ट्राइक रेट १ सय ३० भन्दा माथि रहेको छ । प्रथम श्रेणीको खेलमा कुल १० हजार २ सय ८३ रन बनाएका उनले २७ शतक र ४८ अर्ध शतक प्रहार गरेका छन् । वेस्ट स्कोर २ सय ५९ नट आउट रहेको छ । लिष्ट ‘ए’ मा कुल ११ शतक र ३० अर्ध शतक बनाएका उनले कुल ५८२६ रन जोडेका छन् । वान डे मा ५५, टी–२० मा १२, प्रथम श्रेणीमा २ सय १२ र लिष्ट ए मा १ सय ७३ विकेट लिएका छन् ।

त्यस्तै एक महिना अघि शरदकै कप्तानीमा नाविद पोखरा पल्टनबाट पीपीएल खेलेका थिए । नाविदले पीपीएलमा पोखरालाई उपाधि जिताउन उत्कृष्ट प्रर्दशन गरेका थिए । उनले ५ खेलमा ७ विकेट लिनुको साथै ८३ रन प्रहार गरेका थिए । रविइन्दर सिंह पीपीएलमा पोखराबाटनै खेलेका थिए । पीपीएलमा सर्वाधिक रन बनाउने ब्याट्सम्यान बनेका सिहंले फाइनल खेलमा चितवनलाई हराउन ९० रनको उत्कृष्ट इनिङ खेलेका थिए । सिंहले पीपीएलमा ६ खेलमा २ सय ६० बनाएका थिए । जस्मा २ अर्ध शतक २८ चौका र १२ छक्का सामेल रहेको थियो ।

भैरहवाकप्तान शरद भेषावकरसँगै आरिफ शेख, प्रदिप ऐरि, भुवन कार्की, रोहित कुमार पौडेल, कृष्ण कार्की, हरिशंकर शाह जस्ता खेलाडीहरु रहेका छन् । भैरहवाले यस अभिनाश बोहोरालाई रिलिज गरेको छ । मंसिर २३ मा पोखरा राइनोजसँग खेल्दै भैरहवा ग्याडिएटर्सले ईपीएलमा सुरुवात गर्ने छ ।