काठमाडौँ – मंसिर २२ गतेबाट सुरु हुने तेस्रो संकरणको एभरेष्ट प्रिमियर लिग (इपीएल) का लागि ललितपुर प्याट्रियट्सले आफ्ना तीन विदेशी खेलाडी सर्वाजनिक गरेको छ ।

गौरव तोमर

बिहीबार एक प्रेस विज्ञप्ति जारी गर्दै सन्नी पटेल,गौरभ तोमर र जयकिशन कोल्छावालको नाम सार्वजनिक हो । पटेल र कोल्छावाला गर्तवर्ष पनि ललितपुरबाटै खेलेका थिए भने तोमर पहिलो पटक ललितपुरबाट खेल्न लागेका हुन् ।

गतवर्षकोल्सावालाले ललितपुरबाट ७ खेलमा २ सय २७ रन बनाउदै सर्वाधिक रन बनाउने खेलाडीको तेस्रो स्थानमा थिए । पटेलले ४ खेलमा ६६ रन बनाउनुका साथै ५ विकेट लिएका थिए । तोमरले एक महिना अघि सम्पन्न पोखरा प्रिमियर लिगमा ज्ञानेन्द्र मल्लकै कप्तानी रहेको हुलास रोयल्स काठमाडौँबाट खेलेका थिए । ६ खेलमा २ सय १२ रन बनाउदै तोमर पीपीएलमा उत्कृष्ट ब्याट्सम्यान घोषित भएका थिए ।

यी तीनै खेलाडी भारतका हुन् । ईपीलमामा ललितपुरले पारस खड्का कप्तान रहेको विराटनगर वारियर्ससँग मंसिर २२ मा उद्धघाटन खेल खेल्दै सुरुवात गर्ने छ । ईपीलमा बिराटनगर वारियर्स,ललितपुर प्याट्रियट्स,भैरहवा ग्लाडियटर्स, चितवन टाइगर्स,पोखरा राईनोज, र काठमाडौं किंग्स ११ गरि ६ शहरका ६ टिम रहेका छन् ।