काठमाडौं (हाम्रो खेलकुद) – पाकिस्तान सुपर लिगको अक्सन आज इस्लामबादमा हुँदैछ । नेपाली राष्ट्रिय क्रिकेट टोलीका दुइ सदस्य सन्दीप लामिछाने र सोमपाल कामी ड्राफ्टमा हुँदा अक्सनलाई निकै महत्वका साथ हेरिएको छ ।

तीव्र गतिका बलर सोमपाललाई सिल्भर क्याटगरि विदेशी खेलाडीको सूचिमा राखिएको छ । लेग स्पिनर सन्दीप लामिछाने गोल्ड क्याटगरिमा रहेका छन् । पछिल्लो एक वर्षमा आईपीएल, क्यारेवियन प्रिमियर लिग, अफगानिस्तान प्रिमियर लिग लगात थुप्रै अन्तर्राष्ट्रिय लिग खेलिसकेका र बीग ब्यासमा पनि अनुबन्ध भइसकेका सन्दीपमाथि मुल्य लाग्ने उच्च संभावना देखिन्छ ।

यदी सन्दीपलाई कुनै टिमले मुल्य लगाय न्युनतम ५० हजार डलर प्राप्त गर्नेछन् । राष्ट्रिय टिमबाट उत्कृष्ट प्रर्दशन गर्दै आई रहेका सोमपालमाथि कुनै टोलीले मुल्य लगाए कम्तिमा २२ हजार अमेरिकी डलर पाउने प्रावधान रहेको छ । सोमपाललाई कुनै टिमले छनोट गरेको खण्डमा उनी विदेशी व्यवसायिक लिग क्रिकेट खेल्ने नेपालका दोस्रो खेलाडी हुने छन् ।

चौथो संस्करणको पाकिस्तान सुपर लिग सन् २०१९ को १७ फेब्रुअरी देखी १७ मार्च सम्म युएई र पाकिस्तानका शहरमा हुने छ । डबल राउण्ड रोविनका आधारमा खेलाईने प्रतियोगितामा ६ टिमको सहभागिता रहने छ । गत संकरणको उपाधि इस्लामबाद युनाइटेडले जितेको थियो ।