मेलबर्न (एजेन्सी) – क्रिकेट अस्ट्रेलिया बोर्ड (सीए) ले टोलीका पूर्व कप्तान स्टिभ स्मिथ,उप कप्तान डेविड वार्नर र तीब्र गतिका बलर क्यामरन ब्यान्क्रफ्टमाथि लगाएको प्रतिबन्ध यथावत राख्ने निर्णय गरेको छ ।

मंगलबार बसेको बैठकले प्रतिवन्ध नहटाउने निर्णय लिएको हो । टेम्परिङ काण्डमाको बारे स्वतन्त्र गठित समितिको रिपोर्टपछि क्रिकेट अष्ट्रेलियाले प्रतिबन्ध यथावत राख्ने निर्याय लिएको हो । गत मार्चमा दक्षिण अफ्रिकाविरुद्ध तेस्रो टेस्ट दौरानमा बल टेम्परिङ गरेको भन्दै क्रिकेट अस्ट्रेलिया बोर्डले स्मिथ र वार्नरलाई १ वर्षे साथै तीब्र गतिका बलर क्यामरन ब्यान्क्रफ्टलाई ९ महिना अन्तर्राष्ट्रिय खेल खेल्न प्रतिबन्ध लगाउने निर्णय गरेको थियो ।

योसँगै वार्नर र स्मिथको प्रतिवन्ध आगमी मार्च ३० देखी हट्ने छ भने क्यामरन ब्यान्क्रफ्टको आगमी डिसेम्बर ३० मा सकिने छ । ४० वर्ष यताकै खराव अवस्थामा रहेको अवस्थामा प्रतिवन्ध हटाउन चर्को दवाव खेपि रहेको वोर्डले हटाउने अनुमान गरिएपनि त्यसको विपरित निर्णय गर्दै यथावत गरेको हो ।

अब स्मिथ र वार्नर आगमी अप्रिलमा पाकिस्तानसँग हुने वान डे सिरीजदेखी टोलीमा कमब्याक गर्ने अनुमान गरिएको छ ।