काठमाडौँ – एभरेस्ट प्रिमियर लिग (ईपीएल) को तेस्रो संस्करण डिसेम्बर ८ गते देखी २२ सम्म टीयू क्रिकेट मैदानमा हुँदैछ । प्रतियोगिताको खेल तालिका सोमबार सार्वजनिक भएको छ ।

 १५ दिन सम्म चल्ने प्रतियोगितामा कुल १९ खेल हुने छन् । तालिका अनुसार डिसेम्बर ८ मा ज्ञानेन्द्र मल्ल कप्तान रहेको ललितपुर र पारस खड्काले नेतृत्व गरेको विराटनगर वारियर्सबीच उद्धघाटन खेल हुने छ । ६ टोली सहभागिता रहेको खेलमा समहु चरणमा एक टोलीले अर्को टोलीसँग खेल्नुपर्ने हुन्छ । शीर्ष ४ टोलीले प्ले अफमा स्थान बनाउने छन् ।

पहिलो क्वालिफायरमा डिसेम्बर १८ मा हुने छ । समुह चरणको खेल सकिएपछि अंक तालिकाका शिर्ष दुई टोली क्वालिफायर खेल खेल्ने छन् । विजेता टोलीले फाइनलमा सिधै स्थान बनाउने छ । तेस्रो र चौथो स्थानमा रहेका टिमले एलिमिनेटर खेल खेल्नुपर्ने हुन्छ । जुन १९ डिसेम्बरमा हुने छ । एलिमिनेटरको खेलमा विजेता टोलीले फाइनल प्रवेशको लागि २० डिसेम्बरमा क्वालिफायर १ मा पराजित टोलीसँग खेल्ने छ । फाइनल खेल २२ डिसेम्बरमा हुने ।

खेल सबै टीयू मैदानमा हुने छन् । उद्धघाटन, क्वालिफायर, एलिमेनटर फाइनल खेल १ बजे पछि हुने छन् । समुह चरणका खेलमा विहान ९ र दिउँसो १ वजे हुने छन् ।

यस्तो छ इपीएलको खेल तालिका :