एजेन्सी- पाकिस्तान क्रिकेट बोर्डले आगमी १६ नोभेम्बर देखी युएईमा न्युजिल्यान्डसँग हुने तीन टेस्ट श्रृंखलाको लागि १८ वर्षीय तीव्र गतिका बलर शाहिन शाह अफ्रिदीलाई पहिलो पटक टिममा समाबेश गर्दै १५ सदस्य टोली घोषणा गरेको छ ।

युवा खेलाडी अफ्रिदीले वान डे र टी-२० क्रिकेटमा उत्कृष्ट बलिङ गर्दै आई रहेका छन् । अफ्रिदीले न्युजिल्यान्डसँगको सूरुवाती दुई वान डे खेलमा ४ – ४ विकेट लिएका थिए । उनले ५ वान डे खेलमा १२ विकेट हात पार्दा ७ टी-२० खेलमा ११ विकेट लिएका छन् । वान डे खेलमा ४.९० को इकोनमीमा रन खर्चिदा टी-२० क्रिकेट ७.८० को औसतमा रन दिएका छन्। न्युजिल्यान्डबीरुद्धको तीन टेस्टको लागि शादब खान र फकार जमानलाई टीम बाहिर राखिएको छ ।

त्यस्तै २५ बर्षिय साद अलीलाई पनि पहिलो पटक टिममा मौका दिएको छ । उनले प्रथम श्रेणीको खेलमा उत्कृष्ट प्रर्दशन गरेका छन् । प्रथम श्रेणीको खेलमा ९३ इनिङ्समा ४६.८१ को औसतमा ब्याटिङ गर्दै कुल ३ हजार ९ सय ७९ रन बनाएका छन् ।

पाकिस्ताको १५ सदस्य टीम :

मोहम्मद हफिज,बाबर आजम, इमाम उल हक, याशिर शाह, बिलास आसिफ, सरफराज अहमद (कप्तान),शाद अली, मोमम्मद अब्बास, अजर अली,हरिस सोहेल,असाद शफीक,हसन अली, शाहिन शाह अफ्रिदी, फहिम असरार्फ र मिर हमजा रहेका छन् ।

खेल तालिका :

पहिलो टेस्ट : १६ देखी २० नोभेम्बर

दोस्रो टेस्ट : २४ देखी २८ नोभेम्बर

तेस्रो टेस्ट : ३ देखी ७ डिसेम्बर सम्म