एजेन्सी – न्युजिल्यान्डसँगको दोस्रो वान डे खेलमा पाकिस्तानले सहज जित निकालेको छ । शुक्रबार राती अबु धाबी भएको खेलमा न्युजिल्यान्डलाई ६ विकेटले पराजित गर्दै पाकिस्तानले तीन वान डे श्रृंखलमा १ – १ को बराबरी गरेको छ ।

न्युजिल्यान्डले प्रस्तुत गरेको २ सय १० रनको लक्ष्य पाकिस्तानले ४०.३ ओभरमा ४ विकेट गुमाउँदै लक्ष्य सहजै पुरा गरेको हो । पाकिस्तानलाई सहज जित दिलाउन ओपनर फकर जमान र बाबर आजमले पहिलो विकेटका लागि २८.२ ओभरमा १ सय ५५ रनको शतकीय साझेदारी गरेका थिए । ओपनर इमाम उल हक १६ रन बनाई रहेको अवस्थामा बलले लागेर घाइते भएपछि बाबर ब्याटिङ गर्न आएका थिए ।

पहिलो विकेटका रुपमा आउट भएको जमानले उत्कृष्ट ब्याटिङ गरे । ८८ रन बनाउन समान बल सामना गरेका उनले ११ चौका प्रहार गरे । बाबर आजमले ५० बलमा ४६ रन बनाउन ५ चौका प्रहार गरेका थिए । त्यस्तै मोहम्मद हफिज २७, शोएब मालिक १३ र कप्तान सरर्फराज अमिदले १० रन जोडे । न्युजिल्यान्डका लागि लॉकी फर्ग्यूसनले ३ तथा इश सोधिले १ विकेट लिएपनि जितको लागि प्रयाप्त हुन सकेन ।

यस अघि टस जितेर पहिला ब्याटिङ गरेको न्युजिलयान्डले निर्धारित ५० ओभरमा ९ विकेट गुमाउँदै २ सय ९ रन बनाउन सक्यो । सुरुवात देखीनै खराव प्रर्दशन गरेको न्युजिल्यान्डले १६ ओभर भित्र आफ्ना शिर्ष ४ ब्याटम्यान गुमाउँदा ७३ रन मात्र बनाएको थियो । पाँचौ विकेटका लागि हेनरी निकोलस र रोश टेलरले ७५ रनको साझेदारी गर्दै सम्मान जनक स्थितीमा पुर्याउने काम गरेका थिए । तर हसन अलीले ३७. ३ ओभरमा निकोलसलाई बोल्ड आउट गर्दै ३३ रनमा पेभिलिएन फर्कापछि न्युजिल्यान्डको विकेट पतन पुन जारी रह्यो र सस्तैमा रोकिनु पर्यो ।

टेलरले एक तर्फबाट रन बनाउदा अर्को तर्फबाट विकेट पतन जारी रहदा न्यजिल्यान्डले समान्य योगफल तयार पारेको हो । टेलरले उत्कृष्ट ब्याटिङ गरे । १ सय २० बलमा ३ चौका र १ छक्का प्रहार गर्दै ८६ रनमा नट आउट रहे । टिम साउदी, इश सोधी र कोलीन मुनरोले समान १३ रन बनाए । जॉर्ज वर्करले २८ रन बनाउन बाहेक अन्य कुनैपनि ब्याटम्यानले दोहोरो अंकमा रन छुन सकेनन् ।

न्युजिल्यान्डलाई सस्तैमा रोक्न पाकिस्तानका शाहिन शाह अफ्रिदीले उत्कृष्ट बलिङ गरे । उनले मात्र ९ ओभरमा १ मेडन सहित ३८ रन खर्चेर ४ विकेट लिए । त्यस्तै हसन अलीले २ विकेट लिदा शादब खान र हफिजले समान एक एक विकेट हात पारे । पहिलो खेलमा पाकिस्तान न्युजिल्यान्डसँग ४७ रनले पराजित भएको थियो । यी दुई टोलीबीच अन्तिम तथा तेस्रो खेल आगामी आइतबार हुने छ ।