एजेन्सी- दक्षिण अफ्रिकासँगको तीन वान डे श्रृंखलाको दोस्रो खेलमा अष्ट्रेलियाले झिनो अन्तरको जित निकाल्दै श्रृंखला १- १ को बराबरी गरेको छ ।

शुक्रबार भएको दोस्रो खेलमा दक्षिण अफ्रिकालाई अष्ट्रेलियाले ७ रनले पराजित गर्दै श्रृंखला बराबरी गर्न सफल भएको हो । २ सय ३२ रनको लक्ष्य पक्ष्याएको अफ्रिका निर्धारित ५० ओभरमा ९ विकेट गुमाउँदै २ सय २४ रन बनाउन सक्यो । सुरुवात देखिनै खराव प्रर्दशन गरेको अफ्रिका कुनै समय ६८ रन जोड्न ४ विकेट गुमाएको थियो । पाँचौ विकेटका लागि कप्तान फाफ डु प्लेसिस र डेविड मिलरले ७४ रनको साझेदारी गर्दै जितको आसा देखाएका थिए ।

प्याट कमिन्सले २९.२ ओभमा प्लेसिसलाई बोल्ड आउट गर्दै पाट्नरशिप व्रके गर्दिपछि अष्ट्रेलिया खेलमा फर्किएको थियो । प्लेसिस आउट हुदाँ अफ्रिका १४२- ५ को अवस्थामा थियो । तर त्यसपछि निरन्तर विकेट पतन जारी रहेपछि दक्षिण अफ्रिका अष्ट्रेलियासँग झिनो अन्तरले पराजित हुन पुगेको हो । प्लेसिसले ६५ बलमा ३ चौका प्रहार गर्दै ४७ रन बनाए । त्यस्तै मिलरले ७१ बलमा ३ चौका र १ छक्का प्रहार गर्दै ५१ रन बनाउदा एडेन माक्रम र लुन्गी निगडीले समान १९ रन बनाउन सके । अन्य ब्याटम्यान रिजा हेन्ड्रिक्स १६,डेवाइन प्रिटोरियस र हेनरिक क्लासनले समान १४ रन बनाउन बाहेक अन्य कुुनै पनि ब्याटम्यानले राम्रो प्रर्दशन गर्न सकेनन् ।

अष्ट्रेलियालाईझिनो अन्तरको जित दिलाउन माक्रस स्टोनिसले उत्कृष्ट बलिङ गरे । उनले १० ओभरमा ३५ रन खर्चेर ३ विकेट लिए । त्यस्तै मिचेल स्टार्क र जोश हैज़लवुडले समान दुई विकेट लिदा पार्ट कमिन्सले १ विकेट हात पारे ।

यस अघि टस हारेर पहिला ब्याटिङ गरेको अष्ट्रेलिया ४८.३ बलमा सबै विकेट गुमाएर २ सय ३१ रन बनाउन सकेको थियो । अष्ट्रेलियाका लागि आरोन फिन्च ६३ बलमा ४ चौका प्रहार गर्दै ४१ रन बनाउदा क्रिस लिनले ४४ रन जोडे । उनले ४४ बलको सामना गर्दा ३ चौका र २ छक्का प्रहार गरेका थिए । त्यस्तै एलेक्स क्यारिले ७२ बलमा ४ चौका प्रहार गर्दै ४७ रन बनाउदा एडम जम्पा र शन मार्शले समान २२ रन बनाए । ग्लेन म्याक्सवेल १५ र हैज़लवुडले १० रन जोडेका थिए ।

अफ्रिकाका लागि कागिसो रबडाले ९.३ ओभरमा ५४ रन खर्चेर ४ विकेट लिए पनि टोलीको हार टार्न सकेनन् । त्यस्तै प्रिटोरियसले १० ओभमा ३२ रन खर्चेर ३ विकेट लिदा निगडीले १ विकेट हात पारे । पहिलो खेलमा अफ्रिकाले अष्ट्रेलियालाई ६ विकेटले हराएको थियो । यी दुई टोलीबीचको तेस्रो तथा अन्तिम वान डे खेल अगमी आइतबार हुनेछ ।