एजेन्सी – पाकिस्तानसँगको पहिलो वान डे खेलमा तीव्र गतिका बलर ट्रेन्ट बोल्टले ह्याट्रिक गरेपछि न्युजिल्यान्ड ४७ रनले विजयी हुँदै तीन वान डे क्रिकेट श्रृंखलामा १ – ० को अग्रता लिएको छ ।

बुधबार राती आबु धावीमा भएको खेलमा २ सय ६७ रनको लक्ष्य पक्ष्याएको पाकिस्तान ४७.२ ओभरमा अल आउट हुदैँ २ सय १९ रनमा समेटियो । पाकिस्तानलाई दोस्रो ओभरमा बोल्टले ह्याट्रिक गरेपछि सुरुवाती झड्का लागेको थियो । आफ्नो पहिलो स्पेलको दोस्रो ओभरको दोस्रो बलमै पाकिस्तानका ओपनर फकर जमानलाई बोल्ड आउट गरेका उनले तेस्रो बलमा बाबर आजमलाई रोश टेलरको हातमा क्याच ठमाउँदै डक आउट पठाएका थिए । बाबर पहिलो पटक डँक आउट भएका हुन् । त्यस्तै चौथो बलमा मोहम्मद हफिजलाई एल पी डब्लुको शिकार पार्दै डक आउटमा पेभिलिएन फर्काउदै सुरुवाती दवावमा राखे । जुन समय पाकिस्तान २ ओभरमै ८– ३ को दयनिय अवस्थामा पुगि सकेको थियो ।

चौथो विकेटका लागि इमाम उल हक र शोएब मालिकले ६३ रनको साझेदारी गर्दै पाकिस्तानको इनिङस् उकासेका थिए । तर १६.३ मा हक र १७.३ ओभरमा शोएब मालिक आउट भएपछि पाकिस्तानको जित टाढा भएको थियो । हक ३५ र मालिकले ३० रन जोडे । त्यस्तै कुनै समय ८६ – ६ विकेट पुगि सकेको पाकिस्तानलाई कप्तान सरर्फराज अमिद र इमाद वासिमले सातौ विकेटका लागि १ सय ३ सतकीय रनको साभेदारी गर्दै हारको रन अन्तर घटाएका थिए ।

अमिदले ६९ बलमा ७ चौका प्रहार गर्दै ६४ र बासिमले ७२ बलमा २ छक्का प्रहार गर्दै ५० रनमा आउट भए । हसन अलीले १६ रन बनाउदा शाहिन शाह अफ्रिदी र जुनैद खानले खाता सम्म खोल्न सकेनन् । । बोल्टले १० ओभरमा १ मेडन सहित ५४ रन खर्चेर ३ विबेट लिए । लॉकी फर्ग्यूसन ९.२ ओभरमा ३६ रन खर्चेर ३ विकेट लिदा कोलिन डी ग्रान्डहोम २ विकेट लिए । त्यस्तै टीम साउदी र इश शोधीले एक( एक विकेट लिए ।

यस अघि टस जितेर पहिला ब्याटिङ गरेको न्युजिल्यान्डले निर्धारित ५० ओभरमा ९ विकेट गुमाउदै २ सय ६६ रन बनाएको थियो । खराव सुरुवात गरेको न्युजिलयान्डलाई टम लेथम र रोस टेलरले उत्कृष्ट साझेदारी गर्दै बलियो अवस्थामा पुर्याउने काम गरे । १७ ओभरमा ७८ रन बनाउन ३ विकेट गुमाएको न्युजिल्यान्डका लागि लेथम र टेलरले चौथो विकेटका रुपमा १ सय ३० रनको साझेदारी गरेका थिए । ४१.२ ओभरमा सादव खानले लेथमलाई एलपी डब्लु आउट गर्दै पाट्र्नरशिप बेक्र गर्दिदै खेलमा फक्राउने कोसिन गरेका थिए । लेथमले ६४ बलमा ५ चौका प्रहार गर्दै ६८ रन बनाए ।

त्यस्तै टेलरले १ सय १२ बलमा ५ चौका प्रहार गर्दै ८० रन बनाउदा कोलिन मुनरो २९ र कप्तान केन विलियम्सनले २७ रन बनाउन सके । त्यस्तै टीम साउदी २० र सोधीले २४ रन बनाए । पाकिस्तानका लागि अफ्रदीले ८ ओभरमा १ मेडन सहित ४६ रन खर्चेर ४ विकेट लिए । त्यस्तै सादव खानले १० ओभरमा १ मेडन सहित ३८ रन खर्चेर ४ विकेट लिदै उत्कृष्ट बलिङ गरेपनि टोलीको हार टार्न सकेनन् ।

दोस्रो वान डे खेल आगमी शुक्रबार हुने छ । तीन टी २० क्रिकेट श्रृंखला ३ – ० ले गुमाएको न्युजिल्यान्डलाई वान डे श्रृंखला जित्नै पर्ने दवाव रहेको देखिन्छ ।