एजेन्सी – श्रींलकाबीरुद्धको पहिलो टेस्टको दोस्रो दिनको खेल सकिदा इङ्ल्यान्ड बलियो स्थितीमा पुगेको छ । इङ्ल्यान्ड दोस्रो दिनको खेल सकिदा १ सय ७७ रनले अग्रता लिएको छ ।

पहिलो इनिङस्मा विकेट किपर बेन फोक्सले डेब्यूमै शतक प्रहार गरेपछि इङ्ल्यान्डले ३ सय ४२ रन बनाएको थियो । दोस्रो दिनको पहिलो शेशनको छैटौँ तथा सम्रगमा ९६.४ ओभरमा सुरङ्गा लकमललाई चौका प्रहार गर्दै डेब्यूमै शतक प्रहार गरेका उनले २ सय २ बलमा १० चौका प्रहार गर्दै १ सय ७ रन बनाए । डेब्युमै शतक प्रहार गर्ने विश्वका १ सय ७ औँ तथा इङ्ल्यान्डका २० औँ ब्याटम्यान बनेका छन् ।

यसअघि इङ्ल्यान्डका स्टार क्रिकेटर एलिस्टर कुक, माइकल कलार्क लगात अन्य १७ ब्याटम्यानले पनि डेब्यूमै शतक प्रहार गरेका थिए । इङ्ल्यान्डका विकेट किपरका रुपमा डेब्यूमै शतक प्रहार गर्ने बेन दोस्रो तथा विश्वका ५ औँ खेलाडी पनि बनेका छन् । त्यस्तै केटन जेनिंग्स ४६, साम कुरान ४८, कप्तान जो रुट र अदिल रशिदले समान ३५ रन बनाए । पहिलो इनिङसमा श्रींलकाका दिलरुवन परेरा ५,सुरङ्गा लकमल ३, रंगना हेराथ र अलिका धनञ्जयले समान एक विकेट लिए ।

त्यस्तै आजै पहिलो इनिङस् थालेको श्रींलकाले मोइन अलीको उत्कृष्ट बलिङपछि २ सय ३ रनमा अल आउट भयो । श्रींलकाका लागि एन्जिलो मैथ्यूज ५२, दिनेश चान्डिमल ३३, निरोशन डिक्वेला २८ र दिलरुवन परेराले २१ रन बनाउन बाहेक अन्य ब्याटम्यानले राम्रो प्रर्दशन गर्न सकेनन् । इङ्ल्यान्डका अलीले ४, ज्याक लेच र अदिल रशिदले समान दुई विकेट हात पार्दा जेम्स एन्डरसन र साम कुरानले समान एक विकेट लिए ।

आज दोस्रो इनिङस् थालेको इङ्ल्यान्डले १२ ओभरमा ३८ रन बनाएको छ र कुनै विकेट गुमाएको छैन । सम्रगमा दोस्रो दिनको खेल सकिदा १ सय ७७ रनको अग्रता लिदै बलियो स्थितीमा पुगेको छ ।