एजेन्सी – ओपनर तथा कार्यवाहक कप्तान रोहित शर्माले नयाँ कीर्तिमान बनाएपछि वेस्ट इन्डिजसँगको ३ खेलको टी -२० श्रृंखलामा भारतले एक खेल अगवानै २ – ० ले जितेको छ ।

मंगलबार राती भएको दोस्रो टी-२० खेलमा ७१ रनले वेस्ट इन्डिजलाई पराजित गर्दै श्रृंखला कव्जा गरेको हो । टस हारेर पहिला ब्याटिङ गरेको भारतले रोहित शर्माको शतकमा २ विकेट गुमाउँदै १ सय ९५ रन बनाएको थियो । करियरको चौथो शतक प्रहार गरेका रोहित टी -२० क्रिकेटमा सर्वाधिक शतक बनाउने रेकर्ड पनि कायम गरेका छन् । ६१ बलको सामना गरेका रोहितले ८ चौका र ७ चौका प्रहार गर्दै १ सय ११ रन बनाए । त्यस्तै शिखर धवनले ४३ रन बनाउदा के एल राहुलले २६ रन जोडे ।

त्यस्तै रोहित भारतीय टी -२० क्रिकेटमा सर्वाधिक रन बनाउने खेलाडी पनि बनेका छन् । विराटलाई पछि पार्दै यो सफलता हात पारेका हुन् । टी-२० क्रिकेटमा विश्वका सर्वाधिक रन बनाउने रेकर्ड न्युजिल्यान्का ओपनर मार्टिन गुप्टिल पहिलो स्थानमा रहेका छन् । विश्वमा रोहित दोस्रो स्थानमा रहेका छन् । गुप्टिलले २२७१ रन बनाउदा रोहितले २२०३ बनाएका छन् ।

१ सय ९६ रनको विशाल लक्ष्य पक्ष्याएको पाहुना टोली वेस्ट इन्डिज भारतीय बलर सामु निर्धारित २० ओभरमा ९ विकेट गुमाउदै मात्र १ सय २४ रन बनाउन सक्यो । उस्का लागि डरेन बाभ्रोले २३, किमो पाउल २०, कप्तान कार्लोस वार्थवेट र सिम्रन हेटमरले समान १५ रन बनाउन बाहेक अन्य कुनै पनि ब्याटम्यानले सम्झन योग्य प्रर्दशन गर्न सकेनन् । वेस्ट इन्डिजलाई सस्तैमा रोक्न भारतका कुलदिप यादव, जसप्रित बुमराह, भुवनेश्वर कुमार र खलिल अमिदले समान २ विकेट हात पारे ।

यस अघि भारत पहिलो खेलमा ५ विकेटले विजयी भएको थियो । अव तेस्रो तथा अन्तिम खेल आगमी आइतबार हुने छ ।