पोखरा (हाम्रो खेलकुद)- नमस्ते पोखरा प्रिमियर लिग (पीपीएल) को उपाधि पोखरा पल्टनले चितवन राइनोजलाई ३ विकेटले हराउदै जितेको छ । १ सय ६१ रनको लक्ष्य पक्ष्याएको पोखराले खेल सकिन ५ बल अगाडीनै ७ विकेट गुमाउदै लक्ष्य पुरा गरेको हो ।

च्याम्पियन बनेसँगै पोखराले नगद २७ लाख रुपैया प्राप्त गर्यो । उपविजेतामा चित्त बुझाएको चितवनले १० लाख रुपैया प्राप्त गर्यो । (पीपीएल) मा सन्नी पटेल म्यान अफ द सिरीज घोषित भएका छन् । उनले ७ खेलमा १० विकेट लिनुको साथै १ सय ९४ रन बनाएका थिए ।

प्रतियोगितामा उत्कृष्ट बलरमा करण केसी घोषित भए । उनले ७ खेलमा कुल १२ विकेट लिएका थिए ।

त्यस्तै प्रतियोगिताका बेस्ट ब्याटम्यानमा गौरभ तोमर घोषित भएका छन् । तोमरले ६ खेलमा २ सय १२ रन बनाएका थिए । यी तिनै खेलाडीले सुजुकी जिक्सर १ सय ५५ सीसी मोटरसाइकल प्राप्त गरेका छन् ।

मोस्ट भ्यालुएबल प्लेयरमा ललित नारायण राजवंशी घोष्ति भए । उनले ६ खेलमा १० विकेट लिएका थिए । ललितले १ लाख १ हजार हात पारे ।

रासिद खान युवा उदायमान खेलाडी घोषित भए । रसिदले ६ खेलमा ७ विकेट लिए । उनले ५१ हजार हात पारे ।

विजयी टिम तथा खेलाडीलाई पूर्व प्रधाननमन्त्री तथा ने क पा का अध्यक्षक पुष्प कमल दाहाल ‘प्रचण्ड’, क्वीन्स इभेन्ट म्यानेजमेन्टका प्रवन्ध निर्देशक छुम्वी लामालगायतले पुरस्कृत गरे ।