6 years ago
November 6, 2018
पोखरा – नमस्ते पोखरा प्रिमियर लिग (पीपीएल) को उपाधिको लागि आज चितवन राइनोज र घरेलु टोली पोखरा पल्टनबीच प्रतिस्पर्ध हुँदैछ । खेल फाइनल खेल पोखरा रंगशालामा बिहान ११ बजेबाट सुरु हुने छ ।
पोखरा शीर्षस्थानमा रहँदै सोझै फाइनलमा प्रवेश गरेको हो भने चितवन प्ले अफमा हुलास काठमाडौँ रोयल्सलाई ६ विकेटले हराउँदै फाइनलमा आफ्नो स्थान पक्का गरेको हो । समुह चरणको खेलमा पोखराले चितवनलाई ५ विकेटले पराजित गरेको थियो । विजेता टोली २७ लाख र उपविजेता टोलीले १० लाख रुपैयाँ प्राप्त गर्नेछन् । पूर्वघोषित पुरस्कार अनुसार प्रतियोगिताको म्यान अफ द सिरिज, उत्कृष्ट ब्याट्सम्यान र उत्कृष्ट बलरले सुजुकी जिक्सर १ सय ५५ सीसी मोटरसाइकल प्राप्त गर्नेछन् । त्यस्तै मोस्ट भ्यालुएबल प्लेयरलाई १ लाख र उदयीमान खेलाडीलाई ५० हजार रुपैयाँको व्यवस्था गरिएको छ ।
पीपीएलमा “म्यान अफ द सिरीज”का दावेदारका संभावित ३ खेलाडी यस प्रकार रहेका छन् ।
सन्नी पटेल
चितवन राइनोजले उपाधि जिते सन्नी पटेल ‘म्यान अफ द सिरीज’ घोषित हुने उच्च संभावना रहेको छ । अलराउण्डर प्रर्दशन गरि रहेका पटेलले फाइनल खेल्नु अघि सर्वाधिक रन बनाउने खेलाडीको सूचिमा छैटौ र विकेट लिनेमा तेस्रो स्थानमा छन् । समान ६ खेलमा १ सय ५१ रन बनाएका छन् भने बलिङमा ९ विकेट लिई सकेका छन् । पटेलको अलराउण्डर प्रर्दशन हेर्ने हो भने “म्यान अफ द सिरीज”का बलियो दावेदार खेलाडी हुन् । पछिल्लो चार खेलमा लगातार चितवनले जित निकाल्दा ३ खेलमा पटेलले “म्यान अफ द म्याच” घोषित भएका थिए ।
करण केसी
तिव्र गतिका बलर करण केसी पीपीएलमा फाइनल अघि सर्वाधिक विकेट लिने खेलाडी हुन् । चितवन राइनोजबाट खेलि रहेका करणले फाइनल खेल खेल्नु अघि ६ खेलमा ११ विकेट लिएका छन् । ११ विकेट लिन करणले २२.३ ओभरमा २ मेडन राख्दा १ सय ४१ रन खर्चेका छन् । ब्याटिङमा ६ खेलमा ४ मा ब्याटिङ गरेका करणले १८ रन बनाएका छन् । फाइनल खेलमा पोखराबीरुद्ध उत्कृष्ट प्रर्दशन गर्न सके करण “म्यान अफ द सीरिज” बलियो दावेदार खेलाडी हुन् ।
मोहम्मद नविद
यूएईका तीव्र गतिका बलर रहेका नविदले जारी पीपीएलमा उत्कृष्ट अल राउण्डर प्रर्दशन गरि रहेका छन् । ४ खेलमा ३ मा ब्याटिङ गर्ने मौका पाएका नविदले ५८ रन बनाएका छन् । त्यस्तै बलिङमा ४ खेलमा ७ विकेट लिएका छन् । आजको खेलमा उत्कृष्ट प्रर्दशन गर्दै पोखरालाई उपाधि दिलाए नविद पनि ‘म्यान अफ द सिरीज’ का दावेदार हुनेछन् ।
September 22, 2024
एजेन्सी – रविचन्द्रन आश्विनको पहिलो इनिङमा शतक तथा दोस्रो इनिङमा ६ विकेट लिएपछि भारतले बंगलादेशलाई २ सय ८० रनले पराजित गरेको छ। भारतले दुई टेस्टको सिरिजमा १-० को अग्रता लिएको छ । ५ सय १५ रनको लक्ष्य पछ्याएको बंगलादेश दोस्रो इनिङमा चौथो दिन आइतवार २ सय ३४ रनमा अल आउट भयो । टोलीका कप्तान नजमल […]
September 22, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीका पूर्व कप्तान पारस खड्काले भारतमा हुने लिजेन्ड्स लिग क्रिकेटमा सहभागी नहुने भएका छन्। भारतमा शुक्रवार सुरु लिजेन्ड लिगमा पारसले व्यस्तताका कारणले सहभागिता नजनाउने भएका हुन् । ‘आज काठमाडौं जिल्ला क्रिकेट संघ तथा भोली बागमती प्रदेश क्रिकेट संघको साधारण सभा छ । दुई दिन यसैमा व्यस्त रहन्छु,’ नेपाल […]
September 22, 2024
काठमाडौं(हाम्रो खेलकुद) – विश्वकप लिग टु अन्तर्गतको क्यानडामा जारी त्रिकोणात्मक ओडिआई सिरिजको तेस्रो खेलमा नेपाल घरेलु टोलीसँग खेल्दैछ । नेपाल र क्यानडाबीचको खेल नेपाली समय अनुसार आइतवार साँझ ८ः४५ बजे किंग्स सिटी क्रिकेट मैदानमा हुनेछ । त्रिकोणात्मक सिरिजमा नेपाल र क्यानडाको साथै ओमानको पनि सहभागिता छ । त्रिकोणात्मक ओडिआई सिरिजको पहिलो खेलमा क्यानडासँग १ सय […]