एजेन्सी – नमस्ते पोखरा प्रिमियर लिग (पीपीएल) को उपाधिको लागि पारस खड्का रहेको चितवन राइनोज र शरद भेषवाकर रहेको घरेलु टोली पोखरा पल्टनबीच मंगलबार प्रतिस्प्रर्धा हुने छ ।

पोखरा शिर्ष स्थानमा रहँदै सोझै फाइनलमा प्रवेश गरेको हो भने चितवन प्ले अफमा हुलास काठमाडौँ रोयल्सलाई ६ विकेटले हराउँदै फाइनलमा आफ्नो स्थान पक्का गरेको हो । फाइनल अघि सबै टोलीको प्रर्दशन हेर्न हो भने ब्याटिङमा विदेशी खेलाडीको प्रर्दशन नै वर्चश्य रहेको छ । विदेशी खेलाडी चल्दा हरेक टिमले राम्रो स्कोर बनाएका छन् भने नचल्दा कम बनाएका छन् । प्ले अफकै खेलमा काठमाडौँ ९४ रनमा अल आउट भएको थियो । जस्मा उस्का विदेशी खेलाडी गौरव तोमर र जय किशन कोल्छावाला चलेका थिएनन् । यो पीपीएलको एक उद्धारण मात्र हो ।

घरेलु क्रिकेट होस वा राष्टिय खेल नै किन नहोस, नेपाली क्रिकेट टिमको मुख्य समस्या ब्याटिङ नै हो । नेपाली क्रिकेट टोलीले ब्याटिङ कारण थुप्रै महत्वपूर्ण अवसर गुमाएको छ । ब्याटिङ घरेलु, उमेर र राष्टिय टोलीको मुख्य समस्या हो । नेपालको ब्याटिङ कति सम्म कमजोर छ भन्ने पीपीएलको प्रर्दशनबाटै पनि थाहा हुन्छ । पीपीएलमा सर्वाधिक रन बनाउने शिर्ष ५ ब्याटम्यानमा ४ विदेशी खेलाडी रहेका छन् । रन बनाउने मात्र होइन सर्वाधिक चौका,छक्का र स्टाइक रेट मा पनि विदेशी खेलाडीनै अगाडी छन् ।

पीपीएलको फाइनल खेल अघि यी हुन् सर्वाधिक रन बनाउने ५ खेलाडी :

गौरव तोमर

भारतीयमुलका खेलाडी तोमरले अन्तिम दुई खेलमा राम्रो प्रर्दशन गर्न नसकेपनि अघिल्ला चार खेलमा उत्कृष्ट ब्याटिङ गरे । जारी पीपीएलमा हुलास काठमाडौँ रोयल्सबाट खेलेका गौरव जारी पीपीएलमा सर्वाधिक रन बनाउने खेलाडीको सूचिमा शिर्ष स्थानमा रहेका छन् । ६ खेल खेलेका तोमरले कुल २ सय १२ रन बनाएका छन् । तोमरले २ अर्धशतक १६ चौका र १४ छक्का प्रहार गरेका छन् । तोमरले विराटनगरबीरुद्ध ६६ रन प्रहार गर्दा चितवन राइनोजसँगको खेलमा ३९ रन बनाए । पोखरासँगको खेलमा डक आउट हुँदा धनगढीसँगको खेलमा ९५ रन प्रहार गरेका थिए । त्यस्तै वुटवलसँगको खेलमा ११ र प्ले अफमा चितवनबीरुद्ध १ रन प्रहार गर्दै पीपीएलमा आफ्नो यात्रा टुङ्गाएका छन् ।

मोहम्मद जायद आलम

पाकिस्तानीमुलका आलम जारी पीपीएलमा सर्वाधिक रन बनाउने दोस्रो खेलाडी हुन् । विराटनगर टाइटन्सबाट खेलेका आलमले ४ खेलमा कुल २ सय ९ रन बनाएका छन् । ४ खेलमा ३ अर्ध शतक प्रहार गरेका उनले कुल २० चौका र १२ छक्का प्रहार गर्न सफल भए । पहिलो खेल पोखरासँग नखेलका उनी चितवनसँगको खेलमा ५१,काठमाडौँबीरुद्ध ६७ र वुटवलसँगको खेलमा ७२ रन प्रहार गरेका थिए । त्यस्तै धनगढीबीरुद्धको खेलमा १९ रन जोडे । जारी पीपीएलमा विराटनगर पुछारमा रहेपनि आलमले दोस्रो स्थानमा रहदै आफ्नो प्रर्दशन सकाएका छन् ।

दिपेन्द्रसिंह ऐरी

जारी पीपीएलमा धनगढीका मार्की र कप्तान समेत रहेका ऐरी शिर्ष ५ सर्वाधिक रन बनाउने खेलाडीको सूचिमा नेपालका एक मात्र ब्याटम्यान हुन् । ५ खेलमा २ पटक नट आउट रहेका ऐरीले कुल १ सय ८९ रन बनाए । उनले दुई अर्ध शतक सामेल रहँदा १० छक्का र १५ चौका प्रहार गरेका छन् । ऐरीले काठमाडौँसँगको खेलमा ५४, पोखराबीरुद्ध ४९ नट आउट र चितवनसँगको खेलमा १ रन जोडेका थिए । त्यस्तै बुटवलबीरुद्ध नट आउट रहँदै ५६ रन बनाएका ऐरीले विराटनगरबीरुद्ध २७ रन जोडेका थिए । ऐरीले उत्कृष्ट प्रर्दशन गरेपनि अन्य खेलाडीले त्यहि अनुसारको प्रर्दशन गर्न नसक्दा धनगढी चौथो स्थानमा रहदै समुह चरणबाटै बाहिरिनु परेको हो ।

रवी इन्दर सिंह

पीपीएलमा पोखराबाट खेलका भारतीय मुलका सिंह सर्वाधिक रन बनाउने खेलाडीको सूचिमा चौथो स्थानमा रहेका छन् । फाइनल खेल खेल्न बाँकी रहदा उनले ५ खेलमा कुल १ सय ७० रन बनाएका छन् । १ अर्ध शतक समावेश रहेको छ । १५ चौका र ९ छक्का प्रहार गरेका छन् । काठमाडौँसँगको खेलमा २२ रन बनाएका रविले चितवनबीरुद्ध ६५ रन प्रहार गर्दै उत्कृष्ट अर्ध शतक हिर्काएका थिए । त्यस्तै विराटनगरबीरुद्ध ४४, धनगढीसँगको खेलमा २८ र बुटवलबीरुद्धको खेलमा ११ रन जोडेका थिए ।

पिटर ट्रेगो

इङ्ल्यान्डका अल राउडण्डर पिटर जारी पीपीएलमा सर्वाधिक रन बनाउने खेलाडीको सुचिमा पाँचौ स्थानमा रहेका छन् । धनगढीबाट पीपीएल खेलेका उनले ५ खेलमा कुल १ सय ६६ रन प्रहार गर्दा दुई अर्ध शतक सामेल छ । १४ चौका र १० छक्का प्रहार गरेका पिटरले काठमाडौँसँगको खेलमा १९ रन जोडेका थिए । त्यस्तै पोखरा र विराटनगरसँग समान ५३ रन बनाएका पिटरले वुटवलसँगको खेलमा १४ रन प्रहार गर्दै नेपालमा पहिलो ब्यवसायिक क्रिकेट भ्रमण सकायका छन् ।