एजेन्सी- भारतसँगको तीन टी -२० क्रिकेट श्रृंखलाको पहिलो खेलमा वेस्ट इन्डिज ५ विकेटले पराजित भएको छ । १ सय १० रनको सामान्य लक्ष्य पक्ष्याएको भारतले ५ विकेटको क्षतिमा १७.५ अोभरमा लक्ष्य पूरा गर्दै श्रृंखलामा १- ० को अग्रता लिएको छ ।

भारतको जितमा विकेटकिपर दिनेश कात्तिकले ३४ बलमा ३ चौका र १ छक्का सहित नट आउट ३१ रन बनाए । त्यस्तै टी-२० क्रिकेटमा डेब्यु गरेका क्रुनाल पाण्ड्याले ९ बलमा ३ चौका प्रहार गर्दै २१ रनमा नट आउट रहँदा मनिष पाण्डे १९ र के.एल राहुल १६ रनमा आउट भए । कार्लोस ब्रेथवेट र ओशेन थोमशले समान दुई विकेट लिएपनि टिमलाई हारबाट टार्न सकेनन् ।

यस अघि कोलकत्ताको इडेन गार्डेन मैदानमा टस हारेर पहिला ब्याटिङ गरेको वेस्ट इन्डिजले निर्धारित २० ओभरमा ८ विकेटको क्षतिमा १ सय ९ रन मात्र बनाउन सकेको थियो । वेस्ट इन्डिजका लागि फैबियन एलनले २७, किरन पोलार्ड र शाई होपले समान १४ रन बनाए । किमो पाउलले १५ रन जोड्न बाहेक अन्य कुनै पनि ब्याटम्यानले राम्रो प्रर्दशन गर्न सकेनन् ।

वेस्ट इन्डिजलाई सस्तैमा रोक्न भारतका कुलदिप यादवले धातक बलिङ गरे । उनले ४ ओभरमा १३ रन खर्चेर ३ विकेट लिदा कुनाल पाण्डे, जसप्रित बुमराह, खालिल अमिद र उमेश यादवले समान एक विकेट हात पारे । यी दुई टोलीबीच दोस्रो टी-२० खेल आगमी (मंगलबार) ६ नोभेम्बरमा हुने छ । यस अघि पाँच वान डे श्रृंखला भारतले ३-१ ले जितेको थियो ।