पोखरा (हाम्रो खेलकुद) – नमस्ते पोखरा प्रिमियर लिग (पीपीएल) को प्ले अफ खेलमा हुलास काठमाडौं रोयल्सलाई ६ विकेटले पराजित गर्दै चितवन राइनोज फाइनलमा पुगेको छ । फाइनलमा अव पोखरा पल्टनसँग उपाधिको लागि आगमी २० गते खेल्ने छ ।

काठमाडौंले दिएको ९५ रनको लक्ष्य चितवनले १८.२ ओभरमा ४ विकेटको क्षतिमा पुरा गर्दै फाइनलमा पोखरासँगको भेट पक्का गरेको हो । यसअघि टस जितेर पहिला ब्याटिङ गरेको काठमाडौँले अन्तिम ओभरको ३ बल अगाडीनै अल आउट हुदैँ मात्र ९४ रन बनाउन सकेको थियो । काठमाडौंका लागि स्पिनर शुसन भारीले ३ विकेट लिए पछि सामान्य लक्ष्य पनि चितवनले पुरा गर्न १९ ओभर सम्म कुर्नु परेको हो ।

काठमाडौँलाई हराउँदै चितवनलाई फाइनलमा पुर्याउन उत्कृष्ट प्रर्दशन गर्ने ३ खेलाडी

सन्नी पटेल

काठमाडौंलाई सस्तैमा रोक्न सन्नी पटेलले घातक बलिङ गरे । आफ्नो पहिलो स्पेल लिएर दोस्रो ओभरमा बलिङ गर्न आएका पटेलले एकै ओभरमा शिर्ष ३ ब्याटम्यानलाई पेभिलिएन फर्काउदैँ काठमाडौँको ब्याटिङ धरासय बनेको हो । दोस्रो ओभरको पहिलो बलमै अमित श्रेष्ठलाई ९ रनमा आफै क्याच लिदैं आउट गरेका पटेलले तेस्रो बलमा पवन सरार्फलाई डक आउट गर्दिए ।

पटेल यतिमै रोकिएनन्, अन्तिम बलमा काठमाडौँका भरपर्दा विदेशी खेलाडी गौरव तोमरलाई १ रमा एल पी डब्लुको शिकारमा पार्दै पेभिलिएन फर्काएपछि काठमाडौँको ब्याटिङ संकटमा परेको थियो । यस ओभरमा दुई रन मात्र दिएका पटेलले अन्य ३ ओभरमा विकेट लिन नसके पनि मात्र ७ रन खर्चे । घातक बलिङ गरेका उनले मात्र ४ ओभरमा ९ रन खर्चेर ३ विकेट लिए । ब्याटिङमा ६ रनमा नट आउट रहेका पटेल आज खेलमा “म्यान अफ द म्याच” घोषित भए । यस प्रतियोगितामा चितवनको ४ जीतमा ३ पटक पटेलनै ‘म्यान अफ द म्याच ‘ घोषित भएका छन् ।

भुवन कार्की

राष्ट्रिय टिममा पुनरागमनको पर्खाइमा रहेका कार्कीले काठमाडौँको मिडिल अडर धरासय बनाउन धातक बलिङ गरे । आफ्नो पहिलो स्पेल लिएर १४ औँ ओभरमा बलिङ गर्न आएका कार्कीले ३ रन मात्र खर्चे तर विकेट लिन सकेनन् । त्यस्तै आफ्नो दोस्रो स्पेल लिएर १७ औं ओभरमा बलिङ गर्न आएका कार्कीले ज्ञानेन्द्र मल्ल र बसन्त रेग्मीलाई आउट गरेपछि काठमाडौँको ब्याटिङ पुर्ण रुपमा धराशायी बनेको थियो ।

१७ औं ओभरको पहिलो बलमा मल्ललाई डट गराएका उनले दोस्रो बलमा एक रन दिएका थिए । त्यस्तै तेस्रो बलमा बसन्त रेग्मीलाई डट गराएका उनले चौथो बलमा बसन्त रेग्मीलाई डक आउट गरे । उनलाई विकेट किपर पुष्प थापाको हातबाट क्याच गराएका थिए । पाँचौ बल राउटेलालाई १ रन दिएका कार्कीले अन्तिम बलमा ३० रन बनाई खेली रहेका मल्ललाई एल पी डब्लुको शिकारमा पारेपछि काठमाडौँ सस्तैमा आउट भएको हो । कार्कीले ३ ओभरमा १० रन खर्चेर २ विकेट लिए ।

स्मित पटेल

चितवनलाई सहज जित दिलाउन पटेलले अलराउण्डर प्रर्दशन गरे । बलिङमा दुई विकेट लिएका पटेलले ब्याटिङमा ३८ रन बनाए । चौथो ओभरको पहिलो बलमा सुसन भारीले पारस खड्कालाई २ रनामा आउट गरेपछि मैदान प्रवेश गरेका पटेल १८ औा ओभरको दोस्रो बलमा भारीले नै एल पी डब्लु आउट गर्नु अघि ३८ रन बनाए । उनले ४३ बलमा ३ चौका प्रहार गरेका थिए । त्यस्तै बलिङमा कोल्छावालालाई २५ र आदिल खानलाई ८ रन मा आउट गरेका थिए । पटेलले ४ ओभरमा १९ रन खर्चेर २ विकेट लिए ।