6 years ago
November 2, 2018
पोखरा (हाम्रो खेलकुद) – तीव्र गतिका बलर कमलसिंह ऐरीले कसिलो बलिङ गर्दै ४ विकेट लिएपछि घरेलु टोली पोखरा पल्टनले नमस्ते पोखरा प्रिमियर लिग (पीपीएल) टी–२० क्रिकेट प्रतियोगितामा एक्सपर्ट धनगढी ब्लुजलाई १ सय ४५ रनको विजयी लक्ष्य दिएको छ ।
पोखरा रंगशालाको क्रिकेट मैदानमा टस जितेर पहिले ब्याटिङ गरेको घरेलु टोली पोखराले निर्धारित २० ओभरमा ८ विकेट गुमाएर १ सय ४४ रन जोड्यो । धनगढीका लागि कमलले ४ ओभरमा १ मेडनसहित २३ रन खर्चेर ४ विकेट लिए । खराब शुरुवात गरेको पोखराका लागि मध्यक्रममा युवा ब्याट्सम्यान रोहित कुमार पौडेलले सर्वाधिक ३१ रनको योगदान दिए । रवि इन्दर सिंह २८ रनमा आउट भए । ओपनर आसिफ शेख २३ रनमा आउट भए । कप्तान शरद भेषवाकर १४ रनमा पेभेलियन फर्किए ।
रोहितकुमार पौडेल
पोखराले ४ रन जोड्दा पहिलो विकेटको रुपमा २ ओभर १ बलमा कुशल भुर्तेललाई ३ रनमा गुमाएको थियो । त्यसपछि ८ ओभर ३ बलमा रवि इन्दर सिंह कमल सिंह ऐरीको बलमा सुवेन्दु पाण्डेबाट क्याच आउट भए । मेहबुब आलम कमल सिंह ऐरीको बलमा बोल्ड आउट भए । आसिफ र रविले दोस्रो विकेटको लागि ४४ रनको साझेदारी गर्दै इनिङ्स उकासेका थिए । विनोद भन्डारीले ७ रन जोडे । विक्रम भुषाल र रसिद खान रनमा क्रिजमा रहे । धनगढीका कमल सिंह ऐरीले ४ विकेट लिए । पिटर डेभिड ट्रेगो, ड्यानियल लरेन्स र रोविन क्षेत्रीले समान १ विकेट लिए ।
कमलसिंह ऐरी
धनगढीले केही वेरमा जवाफी ब्याटिङ थाल्नेछ । लिगमा अन्तिम खेल खेलिरहेको धनगढीलाई प्ले अफमा स्थान बनाउन आजको खेल जित्नै पर्नेछ । अन्यथा धनगढीले अन्य खेलको नतिजा कुर्नुपर्ने हुन्छ । लिगमा एक खेल कम खेलेको पोखरा आजको खेलमा जित हात पारे पोखराले प्ले अफलाई थप सहज बनाउनेछ ।
March 19, 2025
काठमाडौं(हाम्रो खेलकुद) – प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगिताको इतिहासमा त्रिभुवन आर्मी क्लबविरुद्ध मधेश प्रदेशले पहिलो पटक जित हासिल गरेको छ । बुधवार भएको खेलमा मधेशले आर्मीलाई ३ विकेटले हराउँदै ऐतिहासिक जित हात पारेको हो । मधेशले आर्मीलाई समग्रमा दोस्रो पटक र पिएम कपमा पहिलो पटक हराएको हो । सन् २०२३ मा पोखरामा भएको […]
March 19, 2025
एजेन्सी – इण्डियन प्रिमियर लिग(आइपिएल) को आफ्नो पहिलो खेलमा नियमित कप्तान हार्दिक पाण्ड्याको अनुपस्थितीमा मुम्बई इन्डियन्सको कप्तानी सुर्यकुमार यादवले गर्ने भएका छन् । मुम्बईका मुख्य प्रशिक्षक महेला जयवर्धनेले बुधबार मुम्बईमा आयोजित पत्रकार सम्मेलनमा सुर्यकुमारले पहिलो खेलमा कप्तानी गर्ने बताएका हुन् । नियमित कप्तान हार्दिक पाण्ड्यालाई सन् २०२४ को आइपिएलको अन्तिम खेलमा स्लो ओभर रेटका कारण […]
March 19, 2025
काठमाडौं(हाम्रो खेलकुद) – सुदूरपश्चिम प्रदेशले प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा लुम्बिनी प्रदेशविरुद्ध जित हासिल गरेको छ । बुधवार भएको खेलमा सुदूरपश्चिमले ५ विकेटको जित हासिल गर्यो । लुम्बिनीले दिएको १ सय १७ रनको लक्ष्य सुदूरपश्चिमले ३१.१ ओभरमा ५ विकेट गुमाएर पूरा गर्यो । सुदूरपश्चिमको जितमा किरण कुमार ठगुन्नाले नट आउट रहँदै सर्वाधिक ४३ […]
