पोखरा (हाम्रो खेलकुद) – नमस्ते पोखरा प्रिमियिर (पीपीएल ) मा आज दुई खेल हुदै छन् । पहिलो खेलमा चितवन राइनोज र हुलास काठमाडौँ रोयल्सबीच खेल हुने छ ।

सुरुवाती दुई खेलमा जित निकालेको काठमाडौं आजको खेलमा त्यहि नतिजा दोहोराउदै तेस्रो जित निकाल्ने सोचमा रहेको छ । पहिलो खेलमा धनगढीलाई १७ रनले पराजित गरेको काठमाडौंले दोस्रो खेलमा विराटनगरलाई ५ विकेटले हराएको थियो । त्यस्तै पहिलो खेलमा बुटवलसँग ७० रनले पराजित भएको चितवन दोस्रो खेलमा पोखरासँग ५ विकेटले पराजित हुन पुगेको थियो । त्यस्तै तेस्रो खेलमा धनगढीलाई १ सय २६ रनले पराजित गरेको चितवनले प्ले अफको आसा कायमै राख्न आजको खेल जित्नै पर्ने हुन्छ ।

त्यस्तै आजको दोस्रो खेलमा धनगढीले बुटवलको सामना गर्ने छ । सुरुवाती ३ खेलमा दुई खेलमा पराजित भएको धनगढीलाई प्ले अफको आसा कायमै राख्न आजको खेल जित्नै पर्ने हुन्छ । पहिलो खेलमा काडमाडौँसँग १७ रनले पराजित हुदाँ दोस्रो खेलमा विराटनगरलाई ७८ रनले हराएको थियोे । त्यस्तै तेस्रो खेलमा चितवनसँग १ सय २६ रनको फराकिलो हार खान पुगेको थियो ।

सुरुवाती ३ खेलमा दुईमा जित र १ मा हार ब्योहोरेको सोमपाल कामी कप्तान रहेको बुटवल अघिल्लो चरणको यात्रा बलियो बनाउन आजको खेलमा जित्नै पर्ने दवाव रहेको छ । पहिलो खेलमा चितवनलाई ७० रनले हराउदा घरेलु टोली पोखरालाई ३३ रनले हराएको थियो । तेस्रो खेलमा वुटवल विराटनगरसँग १२ रनले पराजित हुन पुगेको थियो ।