एजेन्सी – न्युजिल्यान्डविरुद्धको तीन टी- २० क्रिकेट श्रृंखलाको पहिलो खेलमा पाकिस्तानले रोमाञ्चक जित निकालेको छ । बुधबार राती भएको खेलमा पाकिस्तान २ रनले विजयी भएको हो ।

पाकिस्तानले प्रस्तुत गरेको १ सय ४९ रनको लक्ष्य पक्ष्याएको न्युजिल्यान्डले ६ विकेट गुमाउँदै मात्र १ सय ४६ रन बनाउन सक्यो । अन्तिम ओभरमा १७ रन चाहिएको अवस्थामा शाहिन शाह अफ्रिदीले १४ रन दिदै २ रनको रोमाञ्चक जित दिलाए । यो जितसँगै पाकिस्तानले पछिल्लो ११ टी-२० खेलमा लगातार जित निकालेको छ । न्युजिल्यान्डलाई ओपनर कोलिन मुनरो र ग्लेन फिलिप्सले ६ ओभरमा ५० रनको साझेदारी गर्दै राम्रो सुरुवात दिलाएका थिए । तर मिडिल अडरमा रामो पाट्नरशिप हुन नसक्दा झिनो अन्तरले पराजित हुन पुगेको हो ।

न्युजिल्यान्डका लागि ओपनर मुनरोले ४२ बलमा ६ चौका र ३ छक्का प्रहार गर्दै ५८ रन बनाएपनि टोलीलाई जिताउन सकेनन् । रोश टेलर २६ बलमा ३ चौका प्रहार गर्दै ४२ रनमा नट आउट रहे । न्युजिल्यान्डका अन्य कुनै पनि ब्याटम्यानले राम्रो प्रर्दशन गर्न सकेनन् । पाकिस्तानका हसन अलीले ३ ता इमाद वासिम र सादव खानले १ विकेट लिए ।

त्यसअघि टस जितेर पहिला ब्याटिङ गरेको पाकिस्तानले निर्धारित २० ओभरमा ६ विकेटको क्षतिमा १ सय ४८ रन बनाएको थियो । १० रनको स्थितिमा दुवै ओपनर गुमाएको पाकिस्तानका लागि मोहम्मद हफिज र आसिफ अलीले इनिङ्स उकासेका थिए । हफिजले ३६ बलमा ५ चौका र २ छक्का प्रहार गर्दै ४५ रन बनाए । आशिफले २४, कप्तान सरफराज अमिद ३४ रन बनाउँदा इमाद वासिम १४ र फहिम असरार्फ १० रनको योगदान दिए । न्युजल्यान्डका लागि एडम मिल्नीले २ तथा अजाज पटेल,इश सोधि र कोलिन डि ग्रान्डहहोमले समान एक विकेट लिए । दोस्रो टी -२० खेल शुक्रबार हुने छ ।