पोखरा (हाम्रो खेलकुद) – पोखरामा जारी नमस्ते पोखरा प्रिमियर लिग (पीपीएल) टी–२० क्रिकेटमा बिराटनगर टाइटन्सले बुटवल ब्लास्टर्सलाई जितका लागि १ सय ४१ रनको विजयी लक्ष्य दिएको छ ।

पीपीएलको पाँचौ दिनको दोस्रो खेलमा बुधबार टस जितेर पहिले ब्याटिङ गरेको बिराटनगरले २० ओभरमा ७  विकेट गुमाएर १ सय ४० रन जोडेको थियो । मध्यम शुरुवात गरेको बिराटनगरका लागि मोहम्मद जायद आलमले ७२ रनको अर्धशतकीय इनिङ्स खेले । जायदले ४५ बलमा ६ चौका र ५ छक्का प्रहार गरे ।

प्रदीप ऐरीले ४१ रन जोडे । ऐरीले ४३ बलमा ३ छक्का प्रहार गरे । उनीहरुले तेस्रो विकेटको लागि ६७ रनको साझेदारी गर्दै इनिङ्स उकासेका थिए । राजु रिजालले ८ रन जोडे । राजेश पुलामी १ रनमा आउट भए ।

पहिलो विकेटको रुपमा सुनिल धमला शुन्यमा आउट भएका थिए । त्यसपछि जितेन्द्र सिंह ठकुरी २ रनमा आउट भए । पुष्प थापा ४ रनमा नट आउट रहे ।
बुटवलका ललितसिंह भन्डारीले २ तथा विपीन खत्री, मोहम्मद संसाद शेख र सागर पुनले समान १ विकेट लिए ।

बुटवलले केहीवेरमा जवाफी ब्याटिङ थाल्नेछ ।

आजको खेलमा जित हात पार्दै विराटनगर प्ले अफमा पुग्ने गणितीय सम्भावनालाई जीवितै राख्नेछ । बुटवलसँग पराजित भए प्रतियोगिताको लिग चरणबाटै बाहिरिनेछ । यता, बुटवलले लगातार तेस्रो जित निकाले प्ले अफलाई अझै बलियो बनाउनेछ ।