default_image

6 years ago

October 31, 2018

पीपीएल : पारसको चितवनको पहिलो जित, धनगढी ६७ रनमै अलआउट

77 views

0 Bookmark

पोखरा (हाम्रो खेलकुद) – नेपाली राष्ट्रिय क्रिकेट टोलीका कप्तान पारस खड्काको नेतृत्वमा रहेको चितवन राइनोजले नमस्ते पोखरा प्रिमियर लिग (पीपीएल) टी–२० क्रिकेटमा पहिलो जित निकालेको छ ।

चितवनले धनगढी ब्लुजलाई १ सय २६ रनले पराजित गर्दै लिगमा पहिलो जित निकालेको हो । १ सय ९४ रनको लक्ष्य पछ्याएको धनगढीले १७ औं ओभरमा अलआउट हुनुअघि ६७ रनमात्र जोड्न सक्यो । स्पिनर सन्नी पटेलले ३ ओभर २ बलमा ८ रन खर्चेर ४ विकेट लिएपछि धनगढी सस्तैमा सिमित भएको हो । नयाँ ओपनर जोडीसहित उत्रेको धनगढीले निकै खराब सुरुवात गरेको थियो । पहिलो ओभरको चौथो बलमै ओपनर दीलिपनाथ शुन्यमा आउट भए । अर्का ओपनर ड्यानियल लरेन्स दोस्रो ओभरको पहिलो बलमै आउट हुदा धनगढीले रनको खाता खोल्न सकेको थिएन ।

त्यसपछि समस्यामा रहेको धनगढीका कुनै पनि ब्याट्सम्यानले साझेदारी गर्न सकेनन् । पिटर डभिड ट्रेगोले २७ रन बनाए । सौरभ खनाल र सन्दीप जोरा समान ८ रनमा आउट भए । योगेन्द्र सिंह कार्कीले १७ रनमा आउट भए । चितवनका भुवन कार्की र स्मिथ पटेलले समान २ विकेट लिए । करण केसी र शक्ति गौचनले समान १ विकेट लिए ।

हरिशंकर साह

त्यसअघि पहिले ब्याटिङको निम्तो पाएको चितवनले निर्धारित २० ओभरमा ५ विकेट गुमाएर १ सय ९३ रनको योगफल तयार पारेको थियो । राम्रो शुरुवात गरेका चितवनका लागि ओपनर ब्याट्सम्यानहरुले उच्च प्रदर्शन गरे । पहिलो विकेटको लागि ओपनर अनिल कुमार साह र हरिशंकर शाहले १ सय १ रनको कीर्तिमानी साझेदारी गर्दा हरिले ३२ बलमा अर्धशतक पूरा गरे । उनले ६ चौका र ३ छक्का प्रहार गर्दै ५३ रन जोडे । अर्का ओपनर अनिले साहले ३७ रनको योगदान दिए ।

अनिल आउट भएलगत्तै हरि पनि आउट भए । स्मित पटेलले २४ रनमा तथा कप्तान पारस खड्का १९ रनमा पेभेलियन फर्किए । महँगा खेलाडी आरिफ शेख फेरि शुन्यमा आउट भए । पहिलो खेलमा खाता खोल्न नसकेका आरिफले दोस्रो खेलमा ब्याटिङ पाएका थिएनन् । करण केसी र सन्नी पटेलले छैटौ विकेटको लागि ३१ रनको साझेदारी गरे । सन्नी पटेल २६ र करण ११ रनमा नटआउट रहे । धनगढीका कप्तान दीपेन्द्रसिंह ऐरी, कमल सिंह ऐरी, मन्जित श्रेष्ठ, आरिफ शेख र ड्यानियल लरेनसले समान १ विकेट लिए ।

सुरुवाती दुई खेलमा पराजित भएको चितवनले यस जितसँगै प्ले अफमा स्थान बनाउने सम्भावना जिवितै राखेको छ । चितवन यसअघि पहिलो खेलमा बुटवल ब्लास्टर्ससँग ७० तथा दोस्रो खेलमा घरेलु टोली पोखरा पल्टनसँग ५ विकेटले पराजित भएको थियो । पहिलो जितसँगै चितवनले प्ले अफमा रहने सम्भावना बलियो बनाएको छ । यता, तीन खेलबाट दोस्रो हार बेहोरेपछि धनगढीको प्ले अफ पुग्ने सम्भावना रहेपनि झिनो बनेको छ । तीन खेलमा समान एक जितसहित धनगढीको पनि प्लेअफ पुग्ने सम्भावना जिवितै छ । दिनको अर्को खेलमा बुटवल ब्लास्टर्स र विराटनगर टाइटन्स भिड्ने छन् ।

March 20, 2025

आइपिएल २०२५ मा बलमा थुक लगाउन पाउने

एजेन्सी – इण्डियन प्रिमियर लिग(आइपिएल) २०२५ मा बलरले बलमा थुक लगाउन पाउने भएका छन् । मुम्बईस्थित भारतीय क्रिकेट बोर्ड (बिसिसिआई) को मुख्यालयमा बिहीवार भएको प्रतियोगिताका निर्णयकर्ता सँगको बैठकमा अधिकांश फ्रेन्चाइज कप्तानले परिवर्तनको माग गरेपछि आइपिएलले यस्तो निर्णय गरेको हो । सबै कप्तानहरू यो विषयमा सहमत भएका छन् । आइसिसीले अपनाएको थुक प्रतिबन्ध, जुन क्रिकेटका सबै […]

March 20, 2025

लुम्बिनीमाथि कर्णालीको रोमाञ्चक जित

काठमाडौं(हाम्रो खेलकुद) – कर्णाली प्रदेशले प्रधानमन्त्री(पिएम) कप एकदिवसीय राष्ट्रिय क्रिकेट प्रतियोगितामा लुम्बिनीविरुद्ध रोमाञ्चक जित हासिल गरेको छ । बिहीवार भएको खेलमा अर्जुन घर्ती र दीपेन्द्र रावतको अर्धशतकको सहयोगमा कर्णालीले दिएको २ सय ६ रनको लक्ष्य पछ्याएको लुम्बिनी प्रदेश ४९.४ ओभरमा २ सय रनमा समेटियो । लुम्बिनीका लागि प्रज्वल थापाले सर्वाधिक ८४ रन जोडे । उनले […]

March 20, 2025

साविक विजेता पुलिसको अपराजित यात्रा कायमै

काठमाडौं(हाम्रो खेलकुद) – साविक विजेता नेपाल पुलिस क्लबले प्रधानमन्त्री (पिएम) कप एकदिवसीय राष्ट्रिय क्रिकेट प्रतियोगितामा लगातार सातौं जित हासिल गरेको छ । पुलिसले बिहीवार भएको खेलमा बागमती प्रदेशलाई ९३ रन हरायो । २ सय ९८ रनको लक्ष्य पछ्याएको बागमती ४५.२ ओभरमा २ सय ४ रनमा समेटियो । बागमतीका लागि इशान पाण्डेले ९८ बलमा ६ चौकासहित […]

Success

Thank you for your time.