6 years ago
October 29, 2018
पोखरा – नमस्ते पोखरा प्रिमियर लिग (पीपीएल) को छैटौँ खेलमा हुलास काठमाडौँ रोयल्सले विराटनगर टाइटन्सलाई ५ विकेटले पराजित गर्दैै अंक तालिकाको दोस्रो स्थानमा उक्लिएको छ ।
पोखरा रंगशालामा टस जितेर पहिला ब्याटिङ थालेको विराटनगरले निर्धारित २० ओभरमा ७ विकेट गुमाउदैँ १ सय ४९ रन बनाउन सक्यो । १ सय ५० रनको लक्ष्य पक्ष्याएको काठमाडौँले खेल सकिन ४ बल अगाडीनै ५ विकेटको क्षतिमा लक्ष्य पुरा गर्यो । जितेन्द्र मुखियालाई अमरसिंह राउटेलाले छक्का हान्दै खेल जिताएका थिए । विराटनगरका लागि मोहमम्द जैद आलमले ६७ रन,सुनिल धमला र राजेश पुलामी मगरले समान ३० रन तथा साहव आलमले कसिलो बलिङ गर्दै २ विकेट लिएपनि टोलीलाई जिताउन सकेनन् ।
यो हारसँगै अव विराटनगरको अघिल्लो चरणको संभावना अंकगणितीय झिनो आसामात्र बाँकी रहेको छ । अवका सबै खेल जित्न सके र अन्य टोलीको नतिजा आफु अनुकुल आउन सके मात्र विराटनगरको उपाधि होड कायमै रहने छ । अन्यथा विराटनगर समुह चरणबाटै घर फकिनु पर्ने हुन्छ । रोमाञ्चक खेलमा काठमाडौँलाई लगातार दोस्रो जित दिलाउन उत्कृष्ट प्रर्दशन गर्ने यी ३ खेलाडी
गौरव तमोर
भारतीय मुलका २७ वर्षिय तमोरले दोस्रो खेलमा पनि उत्कृष्ट ब्याटिङ र बलिङ गरे । पहिलो खेलमा धनगडी एक्स्पर्टबीरुद्ध आक्रमक ब्याटिङ गर्दै ९५ रन बनाएका तमोरले दोस्रो खेलमा विराटनगरबीरुद्ध ६६ रन प्रहार गरे । तेस्रो ओभरको पहिलो बलमा जयकिशन कोल्छावालाई किशोर महतोले ६ रनमा आउट गरेपछि तेस्रो नंबरमा ब्याटिङ गर्न आएका उनले १९ ओभरको दोस्रो बलमा सन्दीप लामिछानेले एन्ड्रयुको हातबाट क्याच आउट गराउनु अघि उत्कृष्ट अर्धशतक प्रहार गर्दै बलिङमा बलियो विराटनगरमाथि जित संभव बनाए ।
४६ बलको सामना गरेका तमोरले ६ चौका र ३ छक्का प्रहार गर्दै ६६ रन बनाउदा विराटनगरको तेस्रो खेलमा पनि पहिलो जितको आसा निरासमा बदलिन पुग्यो । तमोर ब्याटिङमा मात्र होइन बलिङमा पनि चम्किए । विराटनगरलाई सस्तैमा रोक्न उनले ४ ओभरमा २९ रन खर्चेर २ विकेट लिए । विराटनगरका लागि सर्वाधिक ६७ रन बनाई खेली रहेका जैदलाई आउट गरेका उनले पुष्प थापालाई १ रनमा पेभिलिएनको फर्काएका थिए । तमोर खेलमा म्यान अफ द म्याच घोषित भए ।
वसन्त रेग्मी
राष्ट्रिय टोलीका सर्वाधिक अनुभवी स्पिनर बसन्त रेग्मीको बलमा विराटनगरका कुनै पनि ब्याटम्यान खुलेर खेल्न सकेनन् । कसिलो बलिङ गरेका रेग्मीले विराटनगरलाई सस्तैमा रोक्न ४ ओभरमा जम्मा ११ रन खर्चेर २ विकेट लिए । विराटनगरको मध्यक्रम निरास बनाउने काम गरेका उनले राजेश पुलामी मगरलाई ३० तथा राजु रिजाल १ रनमा आउट गरे । २४ बलमा १५ बल डट गराएका बसन्तको स्पेलमा कुनै पनि ब्याटम्यानले चौका र छक्का हान्न सकेनन् । बसन्तको कसिलो बलिङ विराटनगरको लागि घातक सावित हुन पुग्यो ।
अमित श्रेष्ठ
फ्रेन्चाइज घरेलु लिगमा उत्कृष्ट प्रर्दशन गर्दै आई रहेका युवा ब्याटम्यान तथा ओपनर अमित श्रेष्ठले काठमाडौँको जितलाई सहज बनाउनको लागि धैयर्ताका साथ ब्याटिङ गरे । ओपनिङ ब्याटिङ गर्न आएका उनी ११ ओभरको तेस्रो बलमा साहव आलमको एलपी डब्लुको सिकार बन्नु अघि ३३ बलमा ३५ रन बनाए । उनले ६ चौका प्रहार गरेका थिए ।
September 22, 2024
एजेन्सी – रविचन्द्रन आश्विनको पहिलो इनिङमा शतक तथा दोस्रो इनिङमा ६ विकेट लिएपछि भारतले बंगलादेशलाई २ सय ८० रनले पराजित गरेको छ। भारतले दुई टेस्टको सिरिजमा १-० को अग्रता लिएको छ । ५ सय १५ रनको लक्ष्य पछ्याएको बंगलादेश दोस्रो इनिङमा चौथो दिन आइतवार २ सय ३४ रनमा अल आउट भयो । टोलीका कप्तान नजमल […]
September 22, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीका पूर्व कप्तान पारस खड्काले भारतमा हुने लिजेन्ड्स लिग क्रिकेटमा सहभागी नहुने भएका छन्। भारतमा शुक्रवार सुरु लिजेन्ड लिगमा पारसले व्यस्तताका कारणले सहभागिता नजनाउने भएका हुन् । ‘आज काठमाडौं जिल्ला क्रिकेट संघ तथा भोली बागमती प्रदेश क्रिकेट संघको साधारण सभा छ । दुई दिन यसैमा व्यस्त रहन्छु,’ नेपाल […]
September 22, 2024
काठमाडौं(हाम्रो खेलकुद) – विश्वकप लिग टु अन्तर्गतको क्यानडामा जारी त्रिकोणात्मक ओडिआई सिरिजको तेस्रो खेलमा नेपाल घरेलु टोलीसँग खेल्दैछ । नेपाल र क्यानडाबीचको खेल नेपाली समय अनुसार आइतवार साँझ ८ः४५ बजे किंग्स सिटी क्रिकेट मैदानमा हुनेछ । त्रिकोणात्मक सिरिजमा नेपाल र क्यानडाको साथै ओमानको पनि सहभागिता छ । त्रिकोणात्मक ओडिआई सिरिजको पहिलो खेलमा क्यानडासँग १ सय […]