एजेन्सी – अस्ट्रेलियाविरुद्धको तीन टी-ट्वान्टी क्रिकेट श्रृंखलामा पाकिस्तानले क्लिन स्विप गरेको छ । आइतबार राती भएको तेस्रो खेलमा ३३ रनले पराजित गर्दै पाहुना टोली अष्ट्रेलियामाथि क्लिन स्विप गर्न सफल भएको हो । अस्ट्रेलियामाथि क्लिन स्विप गर्न बाबर आजम र शादब खानले उत्कृष्ट प्रर्दशन गरे ।

१ सय ५१ रनको सामान्य लक्ष्य पक्ष्याएको अष्ट्रेलिया निधारित ओभरको पाँच बल अगाडीनै अल आउट हुदैॅ १ सय १७ रनमा समेटियो । अस्ट्रेलियाका लागि एलेक्स क्यारिले २०, क्रिस लाएन १५ , बेन म्याकडममोर्ट र मिचेल मार्शले समान २१ रन बनाए । अस्ट्रेलियालाई सस्सतैमा रोक्न सादब खानले घातक बलिङ गरे । उनले ४ ओभरमा १९ रन खर्चेर ३ विकेट लिए । त्यस्तै हसन अली २ तथा उस्मान खान, मोहमम्द हफिज र फहिम असहर्फले समान एक विकेट लिए ।

यस अघि टस जितेर पहिला ब्याटिङ गरेको पाकिस्तानले निधारित २० ओभरमा ५ विकेट गुमाउदै १ सय ५० रन बनाएको थियो । पाकिस्तानका लागि आजमले अर्ध शतक प्रहार गरे । उनले ४० बलमा ५ चौका र १ छक्का प्रहार गर्दै ५० रन बनाए । त्यसतै हफिज ३२, शोएब मालिक १८ र फहरानले ३९ रन बनाए ।

अस्ट्रेलियाका लागि मिचेल मार्श २, नाथन लायन, एन्ड्रयु ट्राई र एडम जम्पाले समान एक एक विकेट हात पारे । यस अघि पहिलो खेल ६६ र दोस्रो खेलमा ११ रनले पाकिस्तान बिजयी भएको थियो ।