पोखरा (हाम्रो खेलकुद) – नमस्ते पोखरा प्रिमियर लिग (पीपीएल) को पाँचौ तथा आज भएको दोस्रो खेलमा वुटवल वलास्टरले घरेलु टोली पोखरा पल्टनलाई ३३ रनले पाराजित गर्दै लगातार दोस्रो जित निकालेको छ ।

पोखरा रंगशालामा टस जितेर पहिला ब्याटिङ थालेको वुटवलले निर्धारित २० ओभरमा ७ विकेटको क्षतिमा १ सय ५० रन बनाएको थियो । १ सय ५१ रनको लक्ष्य पक्ष्याएको पल्टनले निर्धारित २० ओभरमा ९ विकेट गुमाउदैँ मात्र १ सय १७ रन बनाउन सक्यो । पोखराका लागि बलरले उत्कृष्ट प्रर्दशन गर्दै वुटवललाई सस्तैमा राक्ने काम गरेका थिए । त्यस्तै पल्टनले ब्याटिङमा राम्रो सुरुवात गरेपनि मध्यक्रम र तल्लोक्रमका ब्याटम्यान चल्न नसक्दा पराजित हुद पुग्यो । सामान्य स्कोर रक्षागर्न वुटवलका यी ३ खेलाडीले उत्कृष्ट प्रर्दशन गरे ।

रोहन मुस्तफा

एईका कप्तान समेत रहेका रोहन मुस्तफाले वुटवललाई जिताउन अलराउण्डर प्रर्दशन गरे । ब्याटिङमा ४५ रन बनाएका उनले बलिङमा २ विकेट हातपारे । दोस्रो ओभरको तेस्रो बलमा मेहबुब आलमले युएईका युवा ब्याटम्यान चिराग सुरीलाई ५ रनमा बोल्ड आउट गरेपछि मैदान प्रवेश गरेका मुस्तफा १४ औँ ओभरको तेस्रो बलमा कप्तान शरद भेषवाकरको बलमा एलपी डब्लुको शिकार बन्न पुगेका थिए । एलपिडब्लु आउट हुनु अघि मुस्तफाले ३५ बलमा ३ चौका र २ छक्का प्रहार गर्दै ४५ रन बनाए ।

मुस्तफाले तेस्रो विकेटका लागि भिम सार्कीसँग ७३ रनको साझेदारी गर्दै बुटवललाई प्रतिस्पर्धात्मक लक्ष्य बनाउन उत्कृष्ट भूमिका निर्वाह गरे । मुस्तफा ब्याटिङमा मात्र होइन बलिङकमा पनि चम्किए । पल्टनका हिटर विनोद भण्डारीलाई ६ रनमा आउट गरेका उनले रसिद खानलाई १० रनमा पेभिलिएन फर्काए । मुस्तफा खेलमा म्यान अफ द म्याच समेत घोषित भए ।

सोमपाल कामी

कप्तान सोमपाल कामीले वुटवलको जितमा उत्कृष्ट अलराउण्डर प्रर्दशन गर्न सफल रहे । ब्याटिङमा २२ रन बनाएका सोमपालले किफायती बलिङ गर्दै महत्वपूर्ण दुई विकेट लिएका थिए । १८ औँ ओभरको दोस्रो बलमा मोहमम्द नवीदले सिद्धान्त लोहनीलाई १३ रनमा आउट गरेपछि ब्याटिङ गर्न मैदान छिरेका सोमपाल अन्तिम ओभरको चौथो बलमा रन आउटको शिकार हुनु अघि मात्र ८ बलमा २ चौका र १ छक्का प्रहार गर्दै २२ रन बनाएका थिए । बलिङमा पोखराका कप्तान शरद भेषवाकरलाई १९ रनमा आउट गरेका सोमपालले आक्रमक ब्याटिङ गर्न सक्ने मेहबुव आलमलाई १ रनमा आउट गर्दै वुटवलको लगातार दोस्रो जित निश्चित जस्तै गरेका थिए ।

भिम सार्की

बुटवललाई सम्मानजनक स्थितिसम्म पुर्याउन युवा खेलाडी भिम सार्कीले अर्धसतकीय उत्कृष्ट इनिङ्स खेले । पाँचौ ओभरको पहिलो बलमै सागर पुन आउट भएपछि मैदान छिरेका सार्कीले रोहनसँग ७३ रनको महत्वपूर्ण साझेदारी गर्दै वुटवलको संकट टारेका थिए । प्रतिस्पर्धात्मक योगफल तयार पार्न निकै महत्वपूर्ण अर्ध शतक पुरा गरेका सार्की अन्तिम ओभरको पहिलो बलमा क्याच आउट हुनु अघि ४६ बलमा २ चौका र ३ छक्का प्रहार गर्दै महत्वपूर्ण ५४ रन बटुल्न सफल भए । सार्की नविदको बलमा मेहवुव आलमको हातबाट क्याच आउट भएका थिए ।