default_image

6 years ago

October 28, 2018

पीपीएल : बुटवलको लगातार दोस्रो जित, शरदको पोखरा पराजित

74 views

0 Bookmark

पोखरा (हाम्रो खेलकुद) – नमस्ते पोखरा प्रिमियर लिग अन्तर्गत आइतबार दोस्रो खेलमा बुटबल ब्लास्टर्सले घरेलु टोली पोखरा पल्टनलाई ३३ रनले पराजित गरेको छ । योसँगै बुटवल लगातार दुई जित दर्ता गर्दै अंक तालिकाको शीर्ष स्थानमा पुगेको छ ।

पोखराको ब्याटिङ पहिलो विकेटको पतनसँगै समस्यामा परेको थियो । १ सय ५१ रनको लक्ष्य पछ्याएको पोखरा २० ओभरमा ९ विकेट गुमाउँदै १ सय १७ रनमात्र जोडेको थियो । दुवै ओपनर आसिफ शेख र कुशल भुर्तेल ३१ रनको स्थितिमा पेभेलियन लगातार बलमा पेभेलियन फर्केका थिए । कुशलले ९ र आसिफले २० रन जोडे । त्यसपछि लगातार विकेट खस्दा पोखराले लक्ष्यबाट टाढा गएको थियो । रवी इन्द्र सिंह ११, विनोद भण्डारी ६ तथा रोहित पौडेल २ रनमा आउट भए ।

कप्तान शरद भेषावकर १९ रनमा विपक्षी कप्तान सोमपाल कामीको बलमा बोल्ड भए । मेहबुब आलमले १ रन जोड्दा रासिद खान १० रन बनाए । विक्रम भुसालले ८ तथा ललितनारायण राजवंशीले ९  रन जोडे । बुटवलका लागि सोमपाल कामी, रोहन मुस्तफा, ललितसिंह भण्डारी र विपिन खत्रीले २-२ विकेट लिए । सागर पुनले १ विकेट हात पारे ।

त्यसअघि पोखरा क्रिकेट मैदानमा टस जितेर पहिले ब्याटिङ गरेको बुटबलले निर्धारित २० ओभरमा ७ विकेट गुमाएर १ सय ५० रन बनाएको थियो । बुटवलका लागि रोहन मुस्ताफा र भीम सार्कीले तेस्रो विकेटको लागि ७३ रनको साझेदारी गरेका थिए । रोहन अर्धशतक बनाउनबाट ५ रनले चुके । भीम सार्कीले ४६ बलमा ५४ रन बनाए । उनले २ चौका र ३ छक्का प्रहार गरे । रोहनले ३५ बलमा ३ चौका र २ छक्का सहित ४५ रन बनाए ।

त्यसअघि भीम सार्कीलाई ३५ रनमा छँदा विनोद भन्डारीले ड्रप गरेका थिए । चिराग सुरी ५ र सागर पुन २ रनमा पेभेलियन फर्किए । सिद्धान्त लोहनीले १३ रनको योगदान दिए । सोमपाल कामीले ८ बलमा २२ रन जोडे । उनले २ चौका र १ छक्का प्रहार गरे । पोखराका मोहमद नाविदले ३ तथा मेहबुव आलम, ललित नारायण राजवंशी र कप्तान शरद भेषवाकरले १-१ विकेट लिए ।

बुटवलले केही बेरमा जवाफी ब्याटिङ थाल्नेछ । दुवै टोली दोस्रो जितको खोजीमा छ । घरेलु टोली पोखराले पहिलो खेलमा विराटनगर टाइटन्सलाई ५८ रनले पराजित गरेको थियो । बुटवलले चितवन राइनोजलाई ७० रनले पराजित गरेको थियो ।

March 19, 2025

लगातार ४ खेलमा ललितको ५ विकेट हल

काठमाडौं (हाम्रो खेलकुद)- नेपाल पुलिस क्लबका स्पिनर ललित नारायण राजवंशी लुम्बिनी प्रदेशमा जारी प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा प्रदर्शन अब्बल रहँदै आएको छ। पुलिसले अहिले सम्म खेलेका सबै ६ खेलमा जित निकाल्न सफल रहँदा ललितको प्रदर्शन प्रमुख बनेको छ। उनको बलिङको जादु चलिरहेको छ। क्रिकेटमा ५ विकेट हलको महत्त्व विशेष मानिन्छ। लेफ्ट आर्म […]

March 19, 2025

आर्मी मधेशसँग पहिलो पटक पराजित

काठमाडौं(हाम्रो खेलकुद) – प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगिताको इतिहासमा त्रिभुवन आर्मी क्लबविरुद्ध मधेश प्रदेशले पहिलो पटक जित हासिल गरेको छ । बुधवार भएको खेलमा मधेशले आर्मीलाई ३ विकेटले हराउँदै ऐतिहासिक जित हात पारेको हो । मधेशले आर्मीलाई समग्रमा दोस्रो पटक र पिएम कपमा पहिलो पटक हराएको हो । सन् २०२३ मा पोखरामा भएको […]

March 19, 2025

सुर्यकुमार मुम्बईको कप्तान बन्दै

एजेन्सी – इण्डियन प्रिमियर लिग(आइपिएल) को आफ्नो पहिलो खेलमा नियमित कप्तान हार्दिक पाण्ड्याको अनुपस्थितीमा मुम्बई इन्डियन्सको कप्तानी सुर्यकुमार यादवले गर्ने भएका छन् । मुम्बईका मुख्य प्रशिक्षक महेला जयवर्धनेले बुधबार मुम्बईमा आयोजित पत्रकार सम्मेलनमा सुर्यकुमारले पहिलो खेलमा कप्तानी गर्ने बताएका हुन् । नियमित कप्तान हार्दिक पाण्ड्यालाई सन् २०२४ को आइपिएलको अन्तिम खेलमा स्लो ओभर रेटका कारण […]

Success

Thank you for your time.