एजेन्सी – श्रीलंकाबीरूद्धको एकमात्र टी – २० खेलमा इङ्ल्यान्ड ३० रनले विजयी भएको छ । शनिवार राती कोलोम्बोमा भएको खेलमा १ सय ८८ रनको लक्ष्य पक्ष्याएको घरेलु टोली श्रीलंका निर्धारित २० ओभरमा अल आउट हुदैॅ मात्र १ सय ५७ रन बनाउन सक्यो ।

उस्का लागी कप्तान तिसेरा परेराले ३१ बलमा ६ छक्का र १ चौका सहित ५७ रन प्रहार गरेपनि टोलीलाई जिताउन सकेनन् । श्रीलंकाका दिनेश चान्डीमल २६, कामिन्दु मेन्डिस २४ र धनन्जय डि शिल्भाले १७ रन बनाउन बाहेक अन्य ब्याटम्यानले राम्रो प्रर्दशन गर्न सकेनन् । इङ्ल्यान्डका लागि जो डेनलीले घातक बलिङ गरे । उनले ४ ओभरमा १९ रन खर्चेर ४ विकेट लिए । त्यस्तै समान अोभर बलिङ गरेका अदिल रसिदले पनि घातक बलिङ गरे । उनले ११ रन खर्चेर ३ विकेट लिदा क्रिस जोर्डनले २ विकेट लिए ।

त्यसअघि टस हारेर पहिला ब्याटिङ गरेको पाहुना टोली इङ्ल्यान्डले ओपनर जोसन रोएको उत्कृष्ट ब्याटिङमा निर्धारित २० ओभरमा ८ विकेट गुमाएर १सय ८७ रन बनाउन सकेको थियो । आक्रमक ब्याटिङ गरेका रोएले ३६ बलमा ६ छक्का र ४ चौका प्रहार गर्दैॅ ६९ रन प्रहार गरे ।इङ्ल्यान्डका अन्य बेन स्ट्रोक्सले २६, मोइन अली २७ र डेनलएले २० रन प्रहार गरे । श्रीलंकाका लागि लाथिस मलिङ्गा र अमिला एपन्सोले समान दुई विकेट लिए ।

यस अघि पाॅच वान डे क्रिकेट श्रृंखला ३-१ ले इङ्ल्यान्डले जितेको थियो । यी दुई टोलीबीच अव थप दुई टेस्ट खेल हुने छ ।