एजेन्सी – वेस्ट इन्डिजविरुद्धको तेस्रो वानडेमा भारत ४३ रनले पराजित भएको छ । वेस्ट इन्डिजले प्रस्तुत गरेको २ सय ८४ रनको लक्ष्य पछ्याउने क्रममा भारतले २ सय ४० रनमात्र जोड्न सक्यो ।

भारतका लागि कप्तान विराट कोहलीले शतक बनाएपनि लक्ष्य प्राप्त गर्न सकेन । कोहलीले १ सय १९ बलमा १ सय ७ रन जोडे । उनले १० चौका र १ छक्का प्राहर गरे । ओपनर शिखर धवनले ३५ तथा ऋषभ पन्तले २४ रन जोड्नुबाहेक अन्य ब्याट्सम्यानले उल्लेख्य रन जोड्न सकेनन् । वेस्ट इन्डिजका मार्लन स्यामुएल्सले ३, जेसन होल्डर, म्क्कोई र एस्ली नर्सले २-२ तथा कमर रोचले १ विकेट लिए।

त्यसअघि सेइ होपले ९५ रन जोडेपछि वेस्ट इन्डिजले ५० ओभरमा ९ विकेटको क्षतिमा २ सय ८३ रन जोडेको थियो । होपले १ सय १३ बल खेल्दै ६ चौका र २ छक्का प्रहार गरेका थिए । एस्ली नर्सले २२ बलमा ४० रन जोडेपछि वेस्ट इन्डिजले विशाल योगफल खडा गरेको थियो । शिम्रण हेटमरले २१ बलमा ३७ रन जोड्दा जेसन होल्डरले ३२ रन जोडे । भारतका लागि जस्प्रित बुमराहले ४ विकेट लिँदा कुलदिप यादवले २ विकेट लिए ।

यससँगै ५ खेलको सिरिजमा १-१ को बराबरी भएको छ । पहिलो वानडे भारतले सहजै जितेको थियो भने दोस्रो वानडे टाइ भएको थियो ।