दुबई (एजेन्सी ) – अष्ट्रेलियासॅगको तीन टी- २० क्रिकेट श्रृंखला एक खेल अगाडीनै पाकिस्तानले जितेको छ । शुक्रबार राती भएको दोस्रो खेलमा अष्ट्रेलियालाई ११ रनले हराउदैॅ श्रृंखला २-० ले कब्जा गरेको हो ।

पाकिस्तानले प्रस्तुत गरेको १ सय ४८ रनको लक्ष्य पक्ष्याएको अष्ट्रेलियाले निर्धारित २० ओभरमा ८ विकेट गुमाएर १ सय ३६ रन मात्र बनाउन सक्यो । ग्लेन म्याक्सवेल र नाथन कुल्टन नाईलले राम्रो ब्याटिङ गरेपनि ओपनर तथा टप अडरका ब्याटम्यानले खराब प्रर्दशन गर्दा अष्ट्रेलियाले सामान्य लक्ष्य पनि पुरा गर्न नसकेको हो । आक्रमक ब्याटङ गरेका म्याक्सवेलले ३७ बलमा ४ चौका र दुइ छक्का प्रहार गर्दै ५२ रन बनाए ।

त्यस्तै नाथन कुल्टनले १७ बलमा ३ छक्का प्रहार गर्दै २७ रन बनाए । मिचेल मार्शले २१ रन बनाउन बाहेक अन्य कुनैपनि ब्याटम्यानले दोहोरो अंकमा रन जोड्न सकेनन् । पाकिस्तानका लागी सादब खान र साहिन अफ्रिदीले समान २ विकेट हातपार्दा इमाद वासिम र मोहम्मद हफिजले पनि समान एक एक विकेट लिए ।

यस अघि टस जितेर पहिला ब्याटिङ गरेको पाकिस्तानले ६ विकेट गुमाउँदै १ सय ४७ रन बनाउन सक्यो । उस्का लागि बाबर आजम ४५, हफिज ४०, फहिम असरार्फ १७ र फकार जमान ११ ले रन बनाउन बाहेक अन्य ब्याटम्यानले राम्रो प्रर्दशन गर्न सकेनन् । अष्ट्रेलियाका लागि नाथन कुल्टनले ३ तथा बीलि स्टेनलेकले २ विकेट लिएपनी टोलीको जितको लागि प्रयाप्त हुन सकेन ।

यसअघि पहिलो टी – २० खेलमा पाकिस्तान ६६ रनले बिजयी भएको थियो । तेस्रो तथा अन्तिम टी-२० खेल आगमी अक्टोबर २८ अर्थात आइतवार हुने छ ।