एजेन्सी – पहिलो टी- २० क्रिकेट खेलमा पाकिस्तानले अष्ट्रेलियालाई सहजै रुपमा हराएको छ । पाकिस्तान ६६ रनले विजयी हुदैँ तीन खेलको टी – २० क्रिकेट श्रृंखलामा १ – ० ले अग्रता लिएको छ ।

१ सय ५६ रनको लक्ष्य पक्ष्याएको अष्ट्रेलिया १६ ओभर ५ बलमा अल आउट हुदैँ मात्र ८९ रन जोड्न सक्यो। अष्टेलियाका लागि कुल्टन नाइल ३४, अस्टन अगर १९ र क्रिस लायनले १४ रन बनाउन बाहेक अन्य कुनै पनि ब्याटम्यानले पाकिस्तानका बलर सामु क्रिजमा टिकेर दोहोरो अंकमा रन जोड्न सकेनन् ।अष्ट्रेलियालाई सस्तैमा अल आउट गर्नको लागि पाकिस्तानका इमाद वासिम ३,फेहिम असरार्फ र शाहिन अफ्रिदीले समान दुई विकेट लिदा हसन अली र शादव खानले पनि समान एक विकेट हात पारे ।

यसअघि अबु धाबमा टस हारेर पहिला ब्याटिङ गरेको पाकिस्तानले निर्धारित २० ओभरमा बाबर आजमको अर्धशतकको सहयोगमा ८ विकेट गुमाउँदै १ सय ५५ रन बनाएको थियो । बाबरले ५५ बलमा ५ चौका र १ छक्का प्रहार गर्दै ६८ रनमा नट आउट रहे । त्यस्तै मोहमम्द हफिज ३९ र फकर जमानले १४ रन बनाउन बाहेक अन्य ब्याटम्यानले खासै राम्रो प्रर्दशन गर्न सकेनन् । अष्ट्रेलियाका लागि नाइल र बिली स्टेनलेकले समान तीन बिकेट लिए ।

अष्ट्रेलिया र पाकिस्तानबीच थप दुइ टी- २० खेल हुने छ । अव दोस्रो खेल आगमी अक्टोबर २६ अर्थात शुक्रबार हुने छ ।