काठमाडौं (हाम्रो खेलकुद)– भारतको मुम्बई भ्रमणमा रहेको धनगढी क्रिकेट एकेडेमी (डिसिए) को यू–१७ टोलीदृ आफ्नो पहिलो खेलमा हार बेहोरेको छ । मंगलबार भएको खेलमा डिसिए स्टार सीसी क्लबसँग ९ विकेटले पराजित भएको हो ।

स्थानीय आजाद मैदानमा टस हारेर पहिले ब्याटिङको निम्तो पाएको डिसिएले ४० ओभरको खेलमा ३६ ओभरमा अलआउट हुँदै १ सय ५ रन बनाएको थियो । डिसिएका लागि रोहन विकले सर्वाधिक ३५ रन बनाए ।

कप्तान सुवोध ऐरले १६, सक्षम पार्कीले १५, सन्दिप आउजीले ८ रनको योगदान दिए । किरन नाथले ३ र निशान पन्तले १ रन जोडे । डीसीएका चार जना खेलाडी शून्य रनमै पवेलियन फर्केका थिए ।

स्टार सीसीका लेग स्पिनर लक्षले सर्वाधिक पाँच विकेट लिए । त्यस्तै, सुभम र अंकितले समान २ विकेट हात पारे । धनगढीबाट मुम्बईसम्मको लामो यात्राको थकानका कारण डीसीएका खेलाडीहरु खुलेर खेल्न सकेनन् ।

१ सय ६ रनको लक्ष्य पछ्याउन मैदानमा उत्रेको स्टार सीसीले १०.३ ओभरमा १ विकेट गुमाएर सजिलै लक्ष्य पूरा ग¥यो । उसको जितमा तस्यमले अर्धशतक पूरा गर्दै अविजित ५८ रन बनाए ।

अर्का ओपनर रोहित काम्लीले ३० र तेस्रो नम्बरमा ब्याटिङ गरेका मयुरेशले नटआउट ८ रनको योगदान दिए । सोनु मण्डलले एक विकेटको सफलता दिलाए ।

१० दिनसम्मको लागि मुम्बई टुरमा आएको डिसिए टोलीले यहाँको विभिन्न क्लबसंग अझै ६ वटा एकदिवसीय खेल खेल्नेछ ।