काठमाडौं (हाम्रो खेलकुद) – पोखरा प्रिमियर लिग (पीपीएल) का लागि एक्स्पर्ट धनगढी ब्लुजले आफ्नो दुई विदेशी खेलाडी तय गरेको छ । प्रतियोगिताको नियमानुसार प्रत्यक टोलीले दुई विदेशी खेलाडी राख्न पाउने प्रावधान छ ।

धनगढीले इंग्लिस ब्याट्सम्यान ड्यान लरेन्स र पाकिस्तानी तीव्र गतिका बलर उमेद आसिफलाई टोलीमा समेटेको छ । २१ वर्षीय लरेन्स हाल एस्सेक्सको सिनियर टोलीबाट खेलिरहेका छन् । उनले एसेक्सको उमेर समूहको टोलीको पनि प्रतिन्धित्व गरिसकेका छन् । अगस्तमा उनले काउन्टी च्याम्पियनसिप क्रिकेटमा हाम्पसायरविरुद्ध शतक पनि प्रहार गरेका थिए ।

टि-२० मा उनले यसै सिजनको इंग्लिस भाइटालिटि ब्लास्टमा स्टिभ फिन, दाविद मालानजस्ता अन्तर्राष्ट्रिय खेलाडी सम्मिलित टोलीविरुद्ध ४६ बलमा ८६ रनको उत्कृष्ट इनिङस खेलेका थिए । काउन्टी सिजन अहिले विश्राममा रहेका कारण उनले नेपालमा आएर खेल्न लागेका हुन् ।

अर्का खेलाडी पाकिस्तानका उमेद आसिफले पाकिस्तानको घरेलु क्रिकेटमा ५५ पहिलो श्रेणीका खेल खेलिसकेका छन् । उनले पाकिस्तान सुपर लिगमा पेशावर जाल्मीका लागि खेलेका छन् । उनी पछिल्लो समय पाकिस्तान ‘ए’ टोलीको सदस्य पनि रहेका थिए । असिफले दुई साताअघि न्युजिल्याण्ड ए विरुद्ध ५ विकेट लिँदै टोलीलाई ६५ रनमा समेट्न मदत गरेका थिए ।

पीपीएलमा धनगढीका खेलहरु:

कार्तिक १० – १:१५ बजे – कोठमाडौं रोयल्स विरुद्ध धनगढी ब्लुज

कार्तिक ११ – ९:०० बजे – विराटनगर टाइटन्स विरुद्ध धनगढी ब्लुज

कार्तिक १४  – ९:०० बजे – चितवन राईनोज विरुद्ध धनगढी ब्लुज

कार्तिक १५ – १:१५ बजे – धनगढी ब्लुज विरुद्ध बुटवल ब्लास्टर्स

कार्तिक १६ – ९:०० बजे – पोखरा पल्टन विरुद्ध धनगढी ब्लुज

कार्तिक १८ – ९:०० बजे – क्वालीफायर / एलिमिनेटर (दोस्रो विरुद्ध तेस्रो)

कार्तिक २० – फाइनल (पहिलो विरुद्ध क्वालिफायर विजेता)