default_image

6 years ago

October 20, 2018

एपीएलमा सन्दीप नखेल्दा लेपर्ड्सको लज्जास्पद हार

41 views

0 Bookmark

काठमाडौं (हाम्रो खेलकुद) – अफगानिस्तान प्रिमियर लिग (एपीएल) अन्तर्गत पहिलो सेमिफाइनलमा नेपालका युवा स्पिनर सन्दीप लामिछानेको टोली नङराहार लेपर्ड्सबल्ख लेजेन्ड्ससँग १ सय ७१ रनको फराकिलो अन्तरले पराजित भएको छ ।

सन्दीप लगातार खेलमा विश्राममा रहेका थिए । टस जितेर पहिलो ब्याटिङ गरेको लेजेन्ड्सले २० ओभरमा ५ विकेट गुमाउँदै २ सय ३५ रनको विशाल योगफल खडा गरेको थियो । ओपनर क्रिस गेलले ३० बलमा ५४ तथा डार्विस रसुलीले ४५ बलमा ७८ रन प्रहार गर्दै लेजेन्ड्सलाई उत्कृष्ट सुरुवात दिलाए । अन्तिम ओभरको चौथो बलमा आउट भएका रसुलीले ७ चौका र ४ चक्का प्रहार गरे ।

त्यसअघि चौथो नम्बरमा ब्याटिङ गर्न आएका मोहमद नाबीले १६ बलमा ४७ रनको आक्रामक ब्याटिङ गरे । उनले २ चौका र ५ चक्का प्रहार गरेका थिए । सन्दीपको अनुपस्थितिमा लेपर्ड्सको बलिङले धेरै संघर्ष गर्नुपर्यो । अफगानी स्पिनर मुजिब उर रहमानले ३ ओभरमा ५१ रन खर्चेका थिए । कप्तान बेन कटिङले २ विकेट तथा नवीन उल हक, फज़ल निआजाई र जाहिर खानले १-१ विकेट लिए ।

जवाफमा लेपर्ड्सको टोली १४ औं ओभरमा जम्मा ६४ रन जोड्दै अलआउट भयो । तेस्रो ओभरमा दुई विकेट गुमाएपछि सुरु भएको लेपर्ड्सको पतन त्यसपछि लगातार जस्तै ओभरमा आएको थियो । ओपनर आन्द्रे फ्लेचर र मध्यक्रमका फजल निआजाईले १३-१३ रन जोडेका थिए । मोहमद नाबीले बलिङतर्फ पनि ४ विकेट लिए । उनले ३.१ ओभरमा १२ रन खर्चे ।

प्रतियोगिताको दोस्रो सेमिफाइनलमा पाक्तिया प्यान्थर्स र काबुल ज्वानन खेल्दैछन् । यो खेलको विजेताले बल्खसँग उपाधिको लागि भिड्नेछ ।

September 22, 2024

विश्वकप लिग टु – नेपाल र क्यानडा खेल्दै

काठमाडौं(हाम्रो खेलकुद) – विश्वकप लिग टु अन्तर्गतको क्यानडामा जारी त्रिकोणात्मक ओडिआई सिरिजको तेस्रो खेलमा नेपाल घरेलु टोलीसँग खेल्दैछ । नेपाल र क्यानडाबीचको खेल नेपाली समय अनुसार आइतवार साँझ ८ः४५ बजे किंग्स सिटी क्रिकेट मैदानमा हुनेछ । त्रिकोणात्मक सिरिजमा नेपाल र क्यानडाको साथै ओमानको पनि सहभागिता छ । त्रिकोणात्मक ओडिआई सिरिजको पहिलो खेलमा क्यानडासँग १ सय […]

September 22, 2024

अस्ट्रेलियाको लगातार दोस्रो जित

एजेन्सी – विश्वविजेता अस्ट्रेलियाले इङ्ग्ल्यान्डविरुद्धको ओडिआईमा लगातार दोस्रो जित निकालेको छ । ५ ओडिआई सिरिजका लागि अस्ट्रेलिया इङ्ग्ल्यान्ड भ्रमणमा छ । यो खेलमा जितपाछि अस्ट्रेलियाले सिरिजमा २-० को अग्रता बनाएको छ । लिड्समा २ सय ७१ रनको लक्ष्य पछ्याएको इङ्ग्ल्यान्ड ४०.२ ओभरमा २ सय २ रनमा अल आउट भयो । जेमी स्मिथले ६१ बलमा ४९, […]

September 21, 2024

विशाल लक्ष्य पछ्याउँदै बंगलादेश

एजेन्सी – शुभमन गिल र रिषभ पन्तको शतक सहयोगमा भारतले बंगलादेशलाई पहिलो टेस्टको विशाल लक्ष्य दिएको छ । दुई टेस्ट सिरिजका लागि बंगलादेश टोली भारत भ्रमणमा छ । चेन्नईमा जारी टेस्टमा भारतले बंगलादेशलाई जितका लागि ५ सय १५ रनको लक्ष्य दिएको छ । दोस्रो इनिङमा भारतले ४ विकेटमा २ सय ८७ रन बनाउँदै इनिङ समाप्तीको […]

Success

Thank you for your time.