काठमाडौं (हाम्रो खेलकुद)- पोखरा प्रिमियर लिग (पीपीएल) को कार्तिक ९ गते हुने उद्घाटन खेलमा विराटनगर टाइटन्स र पोखरा पल्टन भिड्ने भएका छन् ।

स्थानीय टोली पोखराको मार्की खेलाडीमा शरद भेषावकर छन् भने विराटनगरले युवा स्टार सन्दीप लामिछानेलाई मार्की खेलाडीको रुपमा अनुबन्ध गरेको छ । दुवै टोलीले आफ्नो विदेशी खेलाडीबारे केहि खुलाएका छैनन् । खेल कार्तिक ९ गते ११ बजे पोखरा रंगशालामा सुरु हुनेछ ।

विगतका फ्रेन्चाइज प्रतियोगिताभन्दा यसपटक लिग चरणपछि खेल हुने पद्दति भने परिवर्तन गरिएको छ । लिग तालिकाको शीर्ष स्थानमा हुने टोलीले सिधै फाइनलमा स्थान बनाउनेछ । दोस्रो र तेस्रो स्थानको टोलीले फाइनलमा स्थान बनाउन क्वालिफायर खेल खेल्नेछन् ।

प्रतियोगितामा ६ टोलीको सहभागिता रहेको छ । फाइनल खेल कार्तिक २० गते हुनेछ । सम्पूर्ण खेल पोखरा रंगशालास्थित क्रिकेट मैदानमा हुनेछ ।

पीपीएलको खेल तालिका

कार्तिक ९ – ११:०० बजे – विराटनगर टाइटन्स विरुद्ध पोखरा पल्टन

कार्तिक १० – ९:०० बजे – चितवन राईनोज विरुद्ध बुटवल ब्लास्टर्स
१:१५ बजे – कोठमाडौं रोयल्स विरुद्ध धनगढी ब्लुज

कार्तिक ११ – ९:०० बजे – विराटनगर टाइटन्स विरुद्ध धनगढी ब्लुज
१:१५ बजे – बुटवल ब्लास्टर्स विरुद्ध पोखरा पल्टन

कार्तिक १२ – ९:०० बजे – विराटनगर टाइटन्स विरुद्ध काठमाडौं रोयल्स
१:१५ बजे – चितवन राईनोज विरुद्ध पोखरा पल्टन

कार्तिक १३ – विश्राम

कार्तिक १४  – ९:०० बजे – चितवन राईनोज विरुद्ध धनगढी ब्लुज
१:१५ बजे विराटनगर टाइटन्स विरुद्ध बुटवल ब्लास्टर्स

कार्तिक १५ – ९:०० बजे – चितवन राईनोज विरुद्ध कोठमाडौं रोयल्स
१:१५ बजे – धनगढी ब्लुज विरुद्ध बुटवल ब्लास्टर्स

कार्तिक १६ – ९:०० बजे – पोखरा पल्टन विरुद्ध धनगढी ब्लुज
१:१५ बजे – बुटवल ब्लास्टर्स विरुद्ध कोठमाडौं रोयल्स

कार्तिक १७ – ९:०० बजे – कोठमाडौं रोयल्स विरुद्ध पोखरा पल्टन
१:१५ बजे – विराटनगर टाइटन्स विरुद्ध चितवन राईनोज

कार्तिक १८ – ९:०० बजे – क्वालीफायर / एलिमिनेटर (दोस्रो विरुद्ध तेस्रो)

कार्तिक १९ – विश्राम

कार्तिक २० – फाइनल (पहिलो विरुद्ध क्वालिफायर विजेता)