काठमाडौं (हाम्रो खेलकुद) – नेपाली युवा स्पिनर सन्दीप लामिछाने अफगानिस्तान प्रिमियर लिग (एपीएल) मा नङ्ग्राहार लेपर्डको टोलीबाट डेब्यु गर्दै छन् । दुई दिनअघि नेपालको टि-२० विश्वकप छनोट खेल सकेर यूएई पुगेका सन्दीप आज पाक्तिया प्यान्थर्सविरुद्ध प्लेइङ ११ मा परेका हुन् ।

शनिबार भएको खेलमा थकानका कारण देखाउँदै टोलीमा नपरेका सन्दीप आइतबारको खेलमा भने खेल्दैछन् । उनले तीव्र गतिका अस्ट्रेलियन बलर नाथन रिमिङटनको स्थान लिएका छन् । सन्दीपको टोलीको कप्तानी बेन कटीङले गरिरहेका छन् । सन्दीपको टोलीमा अफगानिस्तानका युवा स्पिनर मुजिब उर रहमान पनि रहेका छन् ।

सन्दीपको टोलीले टस जितेर ब्याटिङ रोजेको छ । टोलीमा जोन्स्टन चार्ल्स, एन्टोन डेभ्चिच, रहमत साह लगायत उत्कृष्ट ब्याट्सम्यान टोलीमा रहेका छन् । स्पिन बलर जाहिर खान र युवा तीव्र गतिका बलर नवीन उल हकको उपस्थितिले बलिङ बलियो पक्ष मानिएको छ ।

सन्दीपले नेपालबाट राम्रो प्रदर्शन गर्दै अन्य लिगमा पनि राम्रो खेलिरहेको र एपीएलमा पनि सोहि लयलाई कायम गर्ने बताएका छन् । उनले एपीएलको अनुभवले आफ्नो करिअरमा पनि सहयोग पुग्ने बताएका हुन् ।

खेलको प्रत्यक्ष प्रसारण :