काठमाडौं (हाम्रो खेलकुद) – लामो समयदेखि नेपाली क्रिकेटमा देखिएको क्यानको विवाद समाधानतर्फ पुगेको छ । निर्वाचित क्यानले शनिबार एक विज्ञप्ति जारी गर्दै अदालतमा विचारधीन मुद्धा फिर्ता लिने प्रक्रिया अघि बढाएसँगै क्यान विवाद समाधानतर्फ उन्मुख भएको हो ।

फाइलः तस्वीर

यसका लागि निर्वाचित क्यानले कात्र्तिक १० गते बैठक बोलाएको छ । सोही बैठकले कानुनी र ब्यवहारीक प्रकृयाबारे छलफल गरी मुद्धा फिर्ता लिने सम्बन्धमा निर्णय गर्नेछ ।

निर्वाचित क्यानका उपाध्यक्ष दिवाकर घलेले शनिबार एक विज्ञप्ति जारी गर्दै निर्वाचित क्यान नेपाली क्रिकेटलाई निलम्वन फुकुवा गर्नको लागि हदैसम्म लचिलो भएको बताएका छन् ।

‘पछिल्लो झन्डै साढे दुई वर्ष यता अन्तर्राष्ट्रिय क्रिकेट काउन्सिल (आईसीसी) को निलम्बनमा रहेको नेपाली क्रिकेट निलम्बन मुक्त हुने प्रकृया अन्तिम चरणमा पुगेको छ, ’ घलेले जारी गरेको विज्ञप्तिमा छ, ‘नेपाली क्रिकेटलाई निलम्बन मुक्त बनाउने प्रयासमा हामी सधै जिम्मेवार र सहयोगी भुमिकामा प्रस्तुत भैरहेका छौं । हामी सुरुवातबाट नै आईसीसीले गठन गरेको सल्लाहकार समूह र मोनिटरीङ कमिटीमा सहभागी भएर मात्रै हैन, आईसीसी र अन्य सरोकारवालाहरूले भने झै परिमार्जित बिधानलाई बिशेष साधारण सभाबाट हुबहु पारीत गरेर नेपाली क्रिकेटलाई निलम्बन मुक्त बनाउने प्रकृयामा सहयोग पु¥याईरहेका छौं ।’

विज्ञप्तिमा लेखिएको छ, हाम्रै जिम्मेवारीपूर्ण र रचनात्मक सहयोगका कारण नै पुरानो बिधानलाई शंसोधन गरी शंसोधित बिधान अनुसार जिल्ला निर्वाचन समेत सम्पन्न भईसकेको अवस्था छ । हाल परिमार्जित बिधान अनुसार गठन भएको पाँच सदस्यीय मोनिटरीङ कमिटीले जिल्ला निर्बाचनको अध्ययन गरिरहेको छ । मोनिटरीङ समितीले आफ्नो प्रतिबेदन बुझाएपछि सम्पन्न हुने प्रदेश र केन्द्रको निर्बाचनसँगै आईसीसीले क्यानमाथीकोको निलम्वन फुकुवा गर्ने हाम्रो विश्वास छ ।

यही सन्दर्भमा हामीले यसअघि सम्मानित सर्बोञ्च अदालतमा दायर गरेकोको मुद्धाको सम्बन्धमा पनि केही चासो ब्यक्त भएका छन् । आईसीसीबाट समेत यस सम्बन्धमा चासो ब्यक्त भएको हुँदा हामीले यस अघि आईसीसी र अन्य सरोकारवाला ब्यक्ति र निकायसँगको छलफलमा गरेको प्रतिबद्धताअनुसार सम्मानित सर्बोञ्च अदालतमा बिचाराधिन अवस्थामा रहेको मुद्धालाई फिर्ता लिने प्रकृया अघि बढाएका छो ।