एजेन्सी – पाकिस्तानसँगको पहिलो टेस्ट्र खेलमा अस्ट्रेलियाले ड्र गरेको छ । पाँचौ तथा अन्तिम दिनको खेल सकिदा दोस्रो इनिङ्समा अस्ट्रेलिया ३ सय ६२–८ स्थितिमा रहे पछि खेल बराबरीमा सकिएको हो ।

पहिलोइनिङस्मा ४ सय ८२ रनमा समेटिएको पाकिस्तानले दोस्रो इनिङ्समा १ सय ८१ – ६ को स्थितीमा चौथो दिन इनिङ्स सामप्तीको घोषणा गरेको थियो । अस्ट्रेलियाको लागि ट्रेविस हेड र उस्मान खवाजाले चौथो विकेटका लागि १ सय ३२ रनको उत्कृष्ट साझेदारी गर्दै हार टारेका हुन् । बराबरीमा खेल सकाउन खवाजाले दोस्रो इनिङमा सानदार शतक प्रहार गरे । खवाजाले ३ सय २ बलमा ११ चौका प्रहार गर्दै १ सय ४१ रन बनाए ।

त्यस्तैहेडले १ सय ७५ बलमा ५ चौका प्रहार गर्दै ७२ रन जोड्न सके । कप्तान टीम पेनीले १ सय ९४ बलमा ६२ रनमा नट आउट रहे । पाकिस्तानका लागि दोस्रो इनिङ्समा यासिर शाह ४ तथा मोहमम्द अब्बासले ३ विकेट लिए । यस अघि पहिलो इनिङ्समा मोहमम्द हफिज १ सय २६, हरिस सोहेललेले १ सय १० र असाद सफिकले ८० रन प्रहार गरेपछि पाकिस्तानले ४ सय ८२ रन बनाउन सकेको थियो ।

अस्ट्रेलियापहिलो इनिङ्समा २ सय २ रनमै समेटिएको थियो । अस्ट्रेलियालाई पहिलो इनिङ्समा सस्तैमा समेट्न पाकिस्तानका बिलाल आसिफले ६ तथा मोहमम्द अब्बासले ४ विकेट लिएका थिए । अब पाकिस्तान र अस्टेलियाबीच दोस्रो टेस्ट अक्टोबर १६ बाट सुरु हुने छ ।